ماسكەۋ وبلىسىنىڭ چەحوۆ اۋدانىنداعى اۋىلداردىڭ بىرىندە كولىكتەن ءۇش ەر ادامنىڭ ءمايىتى تابىلدى،- دەپ جازادى تاسس.
«چەحوۆ اۋدانىنىڭ نوۆوسەلكا اۋىلىندا كولىكتەن ءۇش ەر ادامنىڭ ءمايىتى تابىلدى. ءولىمنىڭ سەبەبى انىقتالىپ جاتىر»،-دەپ حابارلادى شۇعىل جاعداي قىزمەتىنىڭ وكىلى.
رف ءىىم ماسكەۋ وبلىسى بويىنشا باسپا ءسوز قىزمەتى ەر ادامداردىڭ دەنەلەرىنىڭ تابىلۋى تۋرالى فاكتىنى راستادى.
وسى وقيعا بويىنشا تەرگەۋ كوميتەتى تەكسەرۋ جۇمىستارىن باستادى.
«مايىتتەر تابىلعان كولىك قازاقستاننان كەلگەن»،- دەپ حابارلادى تەرگەۋ كوميتەتىنىڭ ماسكەۋ وبلىسى بويىنشا باس باسقارماسى جەتەكشىسىنىڭ كومەكشىسى ولگا ۆراديي
ءۆرادييدىڭ ايتۋىنشا، نوۆوسەلكا اۋدانىندا تۇرعان فۋرگوننان ءۇش ازاماتتىڭ ءمايىتى تابىلعان جانە ولاردىڭ دەنەلەرىندە كۇشتەپ ءولتىرۋدىڭ بەلگىلەرى بولماعان.
كولىكتەن مەرت بولعان ازاماتتار پايدالانعان گازدى جىلىتقىش تابىلعان. ولار گازدان ۋلانىپ قالۋى مۇمكىن، الايدا ولاردىڭ ءولىمىنىڭ ناقتى سەبەبى ارنايى ساراپتاۋلاردان سوڭ بەلگىلى بولادى.
پىكىر قالدىرۋ