الەم توسىن جايتتارعا تولى. تومەندەگى تىزىمنەن الەمدەگى ەڭ كوپ بالالى وتباسى مەن ەڭ جاس انانى كورە الاسىز.
الەمدەگى ەڭ ءبىرىنشى اياعى اۋىر ەر ادام
ترەيسي لاگوندينو ون جاسىندا ءوزىنىڭ دەنەسىندەگى جايسىزدىقتى سەزىنگەن. سەگىز جىل وتكەن سوڭ ءوز جىنىس مۇشەسىن اۋىستىرعان. وپەراسيانىڭ ناتيجەسىندە ترەيسي توماسقا اينالعان. الايدا جاس جىگىت جىنىستىق ورگاندارىن اۋىستىرمايمىن دەپ شەشكەن. 2007 جىلى لوگاندينو جاساندى ۇرىقتانۋ ارقىلى بالا كوتەرگەن. ال ايەلى نەنسي بيتي دونور بولعان. 2008 جىلدىڭ 3 شىلدەسىندە سيۋزەن دجۋلەتتا بيتي ەسىمدى ۇلدى دۇنيەگە اكەلگەن.
سەگىز بالانى دۇنيەگە اكەلگەن امەريكالىق رەكورد ورناتتى
كاليفورنيالىق ناديا دەنيز داۋد-سۋلەمان گۋتەررەس 2009 جىلى ءبىر مەزگىلدە سەگىز بالانى دۇنيەگە اكەلدى. بۇل اقش-تاعى ايەلدىڭ سەگىز بالانى دۇنيەگە اكەلگەن ەكىنشى جاعداي. ءبىرىنشىسى 1998 جىلى تىركەلگەن. ناديانىڭ سوزىنە قاراعاندا، ول جاساندى ۇرىقتانۋ ارقىلى كوتەرگەن. بۇدان بولەك ونىڭ تاعى التى بالاسى بار.
الەمدەگى قۇرساعى كەڭ سۋرروگات انا
42 جاستاعى كەرول حورلوك الەمدىك رەكورد ورناتقان سۋرروگات انا. 13 جىل ىشىندە ايەل 12 بالا كوتەرگەن. ونىڭ ىشىندە ۇشەم دە بار. كەرول اقشادان قىسىلعان كەزدە ءبىر رەتعانا سۋرروگات انا بولامىن دەپ ويلاعان.
69 بالا بوسانعان كوپ بالالى انا
بۇل وتباسى 19-شى عاسىردا رەسەي يمپەرياسىندا تۇرعان. فەدور ۆاسيليەۆتىڭ ايەلى 27 رەت قۇرساق كوتەرىپ، 69 بالا بوسانعان.
الەمدەگى ەڭ كىشكەنتاي بالانى بوسانعان ايەل
2004 جىلى 19 قىركۇيەكتە ءۇندىستاندا ماحادجابينا شەيح ەسىمدى ايەل الەمدەگى ەڭ كىشكەنتاي ءسابيدى دۇنيەگە اكەلدى. ەسىمى – راماشۋ راحمان. ءسابيدىڭ دۇنيەگە كەلگەن كەزدەگى سالماعى - 243،81 گرامم. ال ۇزىندىعى – 10 سم. ايەل ءسابيىن 25 اپتالىق كەزىندە دۇنيەگە اكەلگەن.
الەمدەگى ەڭ قارت انا
ءۇندىستاندىق رايو ديەۆي لوحان تۇڭعىشىن 70 جاسىندا دۇنيەگە اكەلىپ، الەمدەگى ەڭ قارت انا اتاندى. رايو 40 جىل بويى ءسابي كوتەرگىسى كەلگەن. ناتيجەسىندە 2008 جىلى ءسابيىن دۇنيەگە اكەلدى.
ەگىز دۇنيەگە اكەلگەن الەمدەگى ەڭ قارت انا
ومكاري پانۆير 70 جاسقا كەلگەندە ەكى قىزدىڭ اناسى جانە بەس نەمەرەنىڭ اجەسى بولعان. 77 جاستاعى كۇيەۋى چاران سينگح پانۆير ۇل بولۋىن قالاعان. ناتيجەسىندە پانۆير ەگىز دۇنيەگە اكەلگەن. ايەل جاساندى ۇرىقتاندىرۋ ارقىلى ءسابي كوتەرگەن. بالانىڭ دۇنيەگە كەلۋى ءۇشىن ەر ادام بار مۇلكىن ساتقان.
الەمدەگى ەڭ جاس انا. جاسى نەبارى بەستە
لينا مەدينا تۇڭعىشىن بەس جاسىندا دۇنيەگە اكەلگەن. وقيعا 1939 جىلى بولعان. باستاپقىدا لينانىڭ ىششىندە ىسىك بار دەپ ويلاعان. ونىڭ جۇكتى ەكەنىن دارىگەرلەر جۇكتىلىكتىڭ جەتىنشى ايىندا ايتقان. لينا 14 مامىردا سالماعى 2،7 كەلى ۇل بالانى دۇنيەگە اكەلگەن. ءسابيدىڭ ەسىمىن حەراردو قويعان.
جۇكتىلىك اراسىنداعى رەكورد
اقش تۇرعىنىەليزابەت ەنن باتتل ەكى جۇكتىلىكتىڭ اراسىنداعى جىل بويىنشا رەكورد ورناتقان. تۇڭعىشىن 19 جاسىندا 1956 جىلدىڭ 19 مامىرىندا دۇنيەگە اكەلسە، اراعا 41 جىل سالىپ ەكىنشى ءسابيىن تۋعان. بالانىڭ ەسىمى – يوسيف.
