قازاقستاندا اۆتوكولىكتەرگە ارنالعان جاڭا كۋالىكتەر 2018 جىلدىڭ 1 شىلدەسىنەن باستاپ قولدانىسقا ەنەدى. بۇل تۋرالى قازاقستاندىق اۆتوبيزنەس قاۋىمداستىعىنىڭ Facebook جەلىسىندەگى رەسمي پاراقشاسىندا جازىلدى، دەپ حابارلايدى Qamshy.kz اقپارات اگەنتتىگى.
ەلەكتروندى قۇجاتتا اۆتوكولىك تۋرالى تولىق مالىمەت بولادى. ونىڭ ىشىندە كولىككە قويىلعان شەكتەۋلەر، قىزمەت كورسەتۋدىڭ ساپاسى مەن كولەمى، جول-كولىك اپاتتارىندا بەلگىلى ءبىر كولىكتىڭ قاتىسى بار-جوعى كورسەتىلەدى.
2018 جىلدىڭ 1 شىلدەسىنەن باستاپ اۆتوكولىك قۇرالدارىنىڭ ەلەكتروندى قۇجاتتارىنا كوشۋ ەۋرازيالىق ەكونوميكالىق وداقتا قۇجاتتاردىڭ وڭدەلۋىن جەڭىلدەتەدى جانە بيزنەستىڭ وپەراسيالىق شىعىندارىن ازايتادى.
سونداي-اق كولىك قۇرالدارىن پايدالانۋدىڭ بارلىق كەزەڭىن اشىق تۇردە قاداعالاۋعا مۇمكىندىك بەرەدى.
ەلەكتروندى ءتولقۇجاتتا اۆتوكولىك نەمەسە موتوسيكل تۋرالى مالىمەتتەر ەاەو-عا شىعارىلعان نەمەسە يمپورتتالعان كەزدەن باستاپ ساقتالادى. بۇل اقپاراتتى بۇرمالاۋدى قيىنداتىپ، جالعان قۇجات جاساۋدى شەكتەيدى.
بولاشاقتا اۆتوكولىك ساتىپ الار كەزدە كەز كەلگەن ادام كولىك تۋرالى تولىق اقپاراتتى ارنايى پورتالدان كورە الادى.
ەلەكتروندى قۇجاتتارعا كوشۋ جۇمىستارى بىرتىندەپ جۇرگىزىلەدى. قۇجات ەاەق-تىڭ بارلىق ەلى ءۇشىن بىردەي بولادى.
پىكىر قالدىرۋ