پرەزيدەنتتىڭ 5 الەۋمەتتىك باستاماسىنا سايكەس شىلدەدە يپوتەكالىق كرەديتتەردى ساتىپ الاتىن ارنايى ۇيىمدار قۇرىلاتىن بولادى. بۇل تۋرالى ق ر ۇلتتىق ەكونوميكا ءمينيسترى تيمۋر سۇلەيمەنوۆ ايتتى، دەپ حابارلايدى Qamshy.kz اقپارات اگەنتتىگى.

ۇكىمەت وتىرىسىندا نۇرسۇلتان نازاربايەۆتىڭ 5 الەۋمەتتىك جوباسىن ىسكە اسىرۋ جونىندەگى جول كارتاسىنىڭ جوباسىن تانىستىرۋ تيمۋر سۇلەيمەنوۆكە جۇكتەلدى.

«7-20-25 جوباسىن ىسكە اسىرۋ ءۇشىن نورماتيۆتىك قۇقىقتىق اكتىلەرگە وزگەرىستەر ەنگىزۋگە قاتىستى بولىپ وتىر. شىلدە ايىنا دەيىن ارنايى يپوتەكالاردى ساتىپ الاتىن ەنشىلەس ۇيىمدار قۇرىلاتىن بولادى. سونىمەن قاتار، «نۇرلى جەر» باعدارلاماسى بويىنشا ينفراقۇرىلىمدى جىلىنا 20 ميلليارد تەڭگەگە دەيىن قارجىلاندىرۋ، ونى ۇلعايتۋ جانە 7-20-25 باعدارلاماسىن ەسكەرە وتىرىپ، وعان تۇزەتۋلەر ەنگىزۋدى قۇراستىرۋ جوسپارلانىپ وتىر»، - دەدى سۇلەيمەنوۆ.