22 ناۋرىز كۇنى «قىزاي انا» قوعامدىق قورى الماتى وبلىسى، تالعار اۋدانى، وستەمىر اۋىلىنداعى قىزاي انا كوشەسىنىڭ بويىندا جىلداعى ءداستۇر بويىنشا كەڭ داستارxان جايىپ، جىل باسى ناۋرىز مەرەكەسىن وتكىزەدى، دەپ جازادى Qamshy.kz اقپارات اگەنتتىگى.
بيىل "قىزاي انا" قوعامدىق قورى تاڭجارىق جولدى ۇلىنىڭ 115 جىلدىعىنا ارنالعان "ايگىلى التى الاشقا جازعان xاتىم" اتتى جىر ءمۇشايراسىن وتكىزگەن. وسى كۇنگى مەرەكەدە اتالعان ءمۇشايرانىڭ جەڭىمپازدارى ماراپاتتالىپ، وقۋشىلار اراسىندا سپورتتىق جارىستار وتەدى.

"قىزاي انا" قوعامدىق قورى مەن قۇرىلتايشىلارى اتىنان وتباسىندا قيىنشىلىعى بار، ساباقتى ۇزدىك وقيتىن ستۋدەنتتەر مەن وقۋشىلارعا ارنايى ستەپەنديا تاعايىندالادى. جينالعان قاۋىمعا مەرەكەلىك داستارxان جايىلىپ، ق ر ونەر جۇلدىزدارىنىڭ قاتىسۋىمەن كونسەرتتىك باعدارلاما قويىلادى. 2018 جىلعى ناۋرىز مەرەكەسىن وتكىزۋدى مۇقاتاي ءابدوللا، مياتبەك داۋكەن ۇلى، باقىتجان نۇردىن ۇلى، باقاشار راxىم ۇلى، تولەپبەرگەن قاتارلى ازاماتتار قولعا العان.

وسى ورايدا اتالعان ازاماتتار مەن "قىزاي انا" قوعامدىق قورىنىڭ اتىنان بارشا الاش جۇرتىن، زيالى قاۋىم وكىلدەرىن، مەرەكەلىك داستارxاننىڭ قوناعى بولۋعا شاقىرامىز!

ايتا كەتسەك، "قىزاي انا" قورى ۇيىمداستىرعان ناۋرىز مەرەكەسى وستەمىر اۋىلىندا 7- رەت وتەيىن دەپ تۇر. بۇعان دەيىن اۋىل تۇرعىندارىنا مەرەكەلىك كوڭىل كۇي سىيلاۋمەن قاتار كوشەلەرىن جاساپ، اۋىلدىڭ ينفراقۇرلىمىن دامىتۋعا ءبىرقاتار جۇمىستار اتقاردى. وسى جىلى ەلباسىنىڭ "تۋعان جەرگە تۋىڭدى تىك" باعدارلاماسى اياسىندا وستەمىر اۋىلىندا "قىزاي انا" ساياباعىن سالۋ جوسپارلانعان. وسىعان وراي مەرەكەگە قاتىسىپ، الداعى شارالالارعا قولدان كەلگەن كومەكتەرىڭىزدى كورسەتۋگە شاقىرامىز! 
باستالۋى: 22 ناۋرىز 11:00