ءساۋىر جىلى ءارى جاۋىن-شاشىندى بولادى، دەپ حابارلايدى Qamshy.kz اقپارات اگەنتتىگى «قازگيدرومەت» رمك ۇزاق مەرزىمدى اۋا رايى بولجامى باسقاراماسىنىڭ باسشىسى گۇلميرا اقىشيەۆا سىلتەمە جاساپ.
«اسىرەسە ايدىڭ ءبىرىنشى جانە ەكىنشى ونكۇندىگىندە كۇن جىلى ءارى جاۋىن-شاشىندى بولادى. سونىمەن قاتار، ساۋىردە جىلى جانە سۋىق كۇندەر الماكەزەك بولاتىندىقتان قۇبىلمالى كۇن رايى كۇتىلەدى.
ەڭ تومەنگى تەمپەراتۋرا ءبىرىنشى ونكۇندىكتىڭ سوڭىنا قاراي بولادى. ەلىمىزدىڭ سولتۇستىك وڭىرلەرىندە اۋانىڭ تەمپەراتۋراسى تۇندە 5-15 گرادۋسقا، كۇندىز 0-5 گرادۋسقا دەيىن تومەندەيدى. ال ەلىمىزدىڭ وڭتۇستىك بولىگىندە اۋانىڭ تەمپەراتۋراسى تۇندە 5-10 گرادۋسقا دەيىن تومەندەيدى. ءساۋىردىڭ ورتاسى مەن ءۇشىنشى ونكۇندىكتىڭ ورتا شەنىندە ورتالىق ازيادان كەلەتىن جىلى اۋا ماسسالارىنا بايلانىستى جىلى كۇن رايى ورنايدى. سولتۇستىك ايماقتاردا اۋا تەمپەراتۋراسى 15-23 گرادۋسقا دەيىن جوعارىلاسا، وڭتۇستىكتە 20-28 گرادۋسقا دەيىن جىلىنادى. ءبىراق ءساۋىر ايىندا اۋا-رايى ءالى دە الدامشى بولعاندىقتان، بۇنداي جىلى كۇندەر ۇزاققا سوزىلمايدى. ءۇشىنشى ونكۇندىكتىڭ باسىندا جانە سوڭىنا قاراي كۇن رايى قايتادان سۋىتا تۇسەدى. ەلىمىزدىڭ سولتۇستىك ايماقتارىندا جاۋىن-شاشىندى بولادى. تۇندە اۋانىڭ تەمپەراتۋراسى 0-دەن تومەن، كۇندىز 5-15 جىلىلىقتى كورسەتەدى. ال وڭتۇستىك وڭىرلەردە وتكىنشى جاۋىن جاۋىپ، نايزاعاي كۇركىرەيدى. اۋانىڭ تۇنگى تەمپەراتۋراسى 5-10 گرادۋس جىلى، كۇندىز 15-20 دەيىن كوتەرىلەدى»، - دەدى گۇلميرا اقىشيەۆا.
مامىر جىلى جانە جاۋىن-شاشىندى بولادى دەپ كۇتىلۋدە، تەك رەسپۋبليكانىڭ وڭتۇستىك-باتىسىندا، وڭتۇستىگى مەن ورتالىعىندا جاۋىن-شاشىن نورمادان از تۇسەدى.
ماۋسىم-شىلدە ايلارىندا رەسپۋبليكانىڭ باتىسى مەن وڭتۇستىگىن قوسپاعاندا، جاۋىن-شاشىننىڭ نورمادان تومەن بولۋى كۇتىلۋدە.
تامىزدا وبلىستاردىڭ باسىم بولىگىندە، تەمپەراتۋرا 1...20س ىستىق بولادى. رەسپۋبليكانىڭ باتىس بولىگىن قوسپاعاندا، اۋا تەمپەراتۋراسى نورماعا جاقىن بولادى دەپ كۇتىلەدى. تامىزدا جاۋىن-شاشىن مولشەرى نورمادان تومەن، تەك سولتۇستىك قازاقستان، اقمولا، شىعىس قازاقستاننىڭ سولتۇستىگىندە، الماتى وبلىسىنىڭ تاۋلى جانە تاۋ بوكتەرى ايماعىندا عانا نورماعا جۋىق بولادى دەپ كۇتىلۋدە.
كۇز مەزگىلىنىڭ العاشقى كۇندەرى ۇزاق مەرزىمدى بولجام بويىنشا قولايلى، حالىق كۇنتىزبەسىندە «قوڭىر كۇز» دەپ اتالاتىن اۋا-رايى كۇتىلۋدە.
