Golden Boy Promotions كومپانياسىنىڭ پرەزيدەنتى ەريك گومەس گەنناديي گولوۆكيننىڭ پروموۋتەرى توم لوففلەرمەن كەزدەسكەنىن ءمالىم ەتتى، دەپ حابارلايدى inform.kz. 

ەكى بوكسشىنىڭ وكىلدەرى GGG مەن ساۋل «كانەلو» الۆارەس اراسىنداعى ەكىنشى جەكپە-جەكتى ۇيىمداستىرۋدى ءوز باسىمدىقتارى دەپ ەسەپتەيدى.

«ءبىز دايىنبىز. وعان بارلىق شارتتار تۋرالى ايتتىق. بۇل شارتتار ءبىرىنشى جەكپە-جەكتەگىدەي، تەك از عانا وزگەرىس ەنگىزدىك. ءقازىر ونىڭ حابارلاسقانىن كۇتىپ وتىرمىن. ءبىز اسىقپايمىز، ءبىراق كۇتەتىن ۋاقىت تاياۋدا بىتەدى. ءبىز ايدىڭ اياعىنا دەيىن بارلىعىن كەلىسىپ الۋىمىز كەرەك»، - دەدى گومەس.

بوكسشىلاردىڭ رەماچى 15 قىركۇيەككە جوسپارلانعان. قازاقستاندىق پەن مەكسيكالىق 5 مامىردا ايقاسۋى كەرەك بولعان، الايدا الۆارەستىڭ دوپينگ-تەستەن وتپەي قالۋىنا بايلانىستى جەكپە-جەك كەيىنگە قالدىرىلدى.