بۇگىن قازاقستان رەسپۋبليكاسى ءدىن ىستەرى جانە ازاماتتىق قوعام ۆيسە-مينيسترى بەرىك ارىن «قازاقستان رەسپۋبليكاسى-ەۋروپالىق وداق» پارلامەنتتىك ىنتىماقتاستىق كوميتەتىنىڭ تەڭ ءتوراعاسى يۆەتا گريگۋلە باستاعان ەۋروپالىق پارلامەنتتىڭ دەلەگاسياسىمەن كەزدەسۋ وتكىزدى.

ايتا كەتسەك، ەۋروپالىق پارلامەنتتىڭ (ەپ) ورتالىق ازيا جانە موڭعوليا ەلدەرىمەن ىنتىماقتاستىق جونىندەگى دەلەگاسياسىنىڭ ءتوراعاسى يۆەتا گريگۋلە-پەتەرسەنىڭ باستاعان ەپ دەلەگاسياسى 10 مامىردا استاناعا كەلگەن بولاتىن. 

دەلەگاسيا «قازاقستان رەسپۋبليكاسى – ەۋروپالىق وداق» پارلامەنتتىك ىنتىماقتاستىق كوميتەتىنىڭ 15ء-شى وتىرىسىنا قاتىسۋ ءۇشىن استاناعا ساپارمەن كەلدى. اتالعان ينستيتۋت 1999 جىلدان باستاپ جۇمىس ىستەپ كەلەدى جانە تەڭ پارلامەنتارالىق ديالوگ جۇرگىزۋ ءۇشىن ءتيىمدى الاڭ رەتىندە قىزمەت ەتەدى.

كەزدەسۋگە سونداي-اق، قازاقستان رەسپۋبليكاسىنىڭ بەلگيا كورولدىگى جانە ليۋكسەمبۋرگتەگ توتەنشە جانە وكىلەتتى ەلشىسى،  قازاقستان رەسپۋبليكاسىنىڭ  ەو جانە ناتو وكىلدىگىنىڭ باسشىسى الماز حامزايەۆ، ءدىن ىستەرى كوميتەتىنىڭ ءتوراعاسى ەركىن وڭعاربايەۆ، ازاماتتىق قوعام ىستەرى كوميتەتىنىڭ ءتوراعاسى ءاليا عالىموۆا، جاستار ساياساتى دەپارتامەنتىنىڭ ديرەكتورى اسحات ورالوۆ قاتىستى.  

بەرىك ارىن ەۋروپالىق پارلامەنت دەپۋتاتتارىن ەۋروپا كۇنىمەن قۇتتىقتاپ، ولاردى ءدىن ىستەرى جانە ازاماتتىق قوعام مينيسترلىگىنىڭ ءدىني سالانى رەتتەۋ، مەملەكەت پەن ازاماتتىق قوعامنىڭ ءوزارا ءىس-قيمىلىنىڭ ءتيىمدى ۇلگىسىن قالىپتاستىرۋ جانە مەملەكەتتىك جاستار ساياساتىن جۇزەگە اسىرۋ جونىندەگى قىزمەتىمەن تانىستىردى. سونداي-اق، ۆيسە-مينيستر ەۋروپارلامەنت دەپۋتاتتارىنىڭ سۇراقتارىنا جاۋاپ بەردى.

اتاپ ايتقاندا، ەۋروپالىق پارلامەنتشىلەر قازاقستاندا ازاماتتىق قوعام ينستيتۋتتارىنىڭ دامۋ ەرەكشەلىكتەرىنە، ءدىني ەكسترەميزمگە قارسى ارەكەت ەتۋ تاجىريبەسىنە، ۇەۇ-دىڭ قىزمەتىنە قاتىستى قازاقستان رەسپۋبليكاسىنىڭ زاڭناماسىنا قىزىعۋشىلىق تانىتتى. ءوز كەزەگىندە دەپۋتاتتار ەو ەلدەرىنىڭ سالىق سالۋ سالاسىنداعى ۇكىمەتتىك ەمەس ۇيىمدارعا قولايلى جاعداي جاساۋداعى تاجىريبەسى تۋرالى ايتىپ بەردى.

كەزدەسۋ قورىتىندىسى بويىنشا كونفەسسياارالىق ءۇنقاتىسۋدى قامتاماسىز ەتۋ، ءدىني ەكسترەميزمگە قارسى ارەكەت ەتۋ جانە ازاماتتىق قوعام ينستيتۋتتارىن دامىتۋ شەڭبەرىندە قازاقستان مەن ەۋروپالىق پارلامەنت اراسىنداعى بەلسەندى ىنتىماقتاستىقتى ودان ءارى دامىتۋدىڭ ماڭىزدىلىعى اتاپ ءوتىلدى.

ەستەرىڭىزگە سالا كەتەيىك، 2018 جىلعى 10 مامىردا قازاقستان رەسپۋبليكاسى مەن ەۋروپالىق وداقتىڭ سىرتقى ساياسي جانە قاۋىپسىزدىك ماسەلەلەرى تالقىلانعان «قازاقستان رەسپۋبليكاسى - ەۋروپالىق وداق» پارلامەنتتىك ىنتىماقتاستىق كوميتەتىنىڭ 15ء-شى وتىرىسى وتكەن بولاتىن.

قازاقستاننىڭ ەۋروپالىق وداقپەن ساۋدا-ەكونوميكالىق بايلانىستارى جوعارى دەڭگەيدە ساقتالىپ وتىر. ەۋرووداق قازاقستاننىڭ نەگىزگى ساۋدا جانە ينۆەستيسيالىق سەرىكتەسى. ونىڭ ۇلەسىنە قر-دىڭ سىرتقى ساۋدا اينالىمىنىڭ 50% جانە ەل ەكونوميكاسىنا تارتىلعان شەتەلدىك كاپيتالدىڭ جارتىسىنان استامى تيەسىلى.