2018 جىلدىڭ 8 مامىر كۇنى باستالعان فرانسياداعى كانن كينوفەستيۆالىندە، كەش اياسىندا «اكادەميا سوليستوۆ» مەملەكەتتىك كامەرلىك وركەسترىنىڭ سۇيەمەلدەۋىمەن ونەر كورسەتكەن تانىمال سكريپكاشى، قازاقستاننىڭ حالىق ءارتيسى ايمان مۇساقوجايەۆا مەن ديماش قۇدايبەرگەن فرانسۋز حالقىن ەرەكشە ىقىلاسقا بولەدى.  تالانتتى ارتىستەر ەلىمىزدىڭ وكىلدەرى رەتىندە استانا مەن ءقازۇوۋ 20-جىلدىق مەرەيتويى قارساڭىندا وتەتىن «ەۋرازيا» حكف تانىتۋ ماقساتىندا ونەر كورسەتتى.

«ەۋرازيا» كينوفەستيۆالى  ̶ 1998 جىلى نەگىزى قالانىپ،  FIAPF (حالىقارالىق كينوپروديۋسەرلەر قاۋىمداستىعى فەدەراسياسى) اككرەديتاسيادان وتكەن جانە بەدەلدى بريتاندىق International FilmGuide باسىلىمى الەمنىڭ 35 تانىمال كينوفەستيۆالدەر قاتارىنا ەنگىزىلگەن.

حالىقارالىق «ەۋرازيا» كينوفەستيۆالىنىڭ پرەزيدەنتى ايمان مۇساقوجايەۆا كاننداعى قازاق مادەنيەتى كەشىندە بىلاي دەدى: «ەۋرازيا» كينوفەستيۆالىندە وتاندىق فيلمدەردى كەڭىنەن تاراتۋ، كينوجوبالار مەن قىزمەتتەردى ۇسىنۋ جانە كەلىسسوزدەر جۇرگىزۋگە مۇمكىندىك بەرەدى. قازاقستان رەجيسسەرلەرى تەك وتاندىق كينورىنوكتى يگەرىپ قويماي، حالىقارالىق كينوجيىنداردا دا ءوز تۋىندىلارىن باتىل ۇسىنىپ جاتىر. بيىل كانن كينوفەستيۆالىنىڭ «ەرەكشە كوزقاراس» باعدارلاماسىندا ءادىلجان ەرجانوۆ «لاسكوۆوە بەزرازليچيە ميرا» فيلمىمەن قاتىسىپ وتىر. ال جاننات الشانوۆا «كونەس سەزونا» فيلمىمەن سينەمافونداسون باعدارلاماسىندا ب ا ق سىناپ وتىر. فيلم سيۋجەتتەرى ءار قيلى: ەلىمىزدىڭ تاريحىنان باستاپ بۇگىنگى پروبلەمالارعا دەيىن قامتىلعان».

71ء-شى حالىقارالىق ايتۋلى كينوفەستيۆالدەگى ۇلتتىق پاۆيلوننىڭ جۇمىس ىستەۋى ەلىمىزدىڭ كينووندىرەتىن ەل ەكەندىگىن دالەلدەپ، حالىقارالىق ىنتىماقتاستىقتى نىعايتۋعا جانە وتاندىق كينووندىرۋشىلەردىڭ شەتەلدىك كومپانيالارمەن جۇمىس ىستەۋ مۇمكىندىكتەرىن ارتتىرادى جانە ەلىمىزدىڭ ءيميدجىن كوتەرەدى.

وسى ورايدا ايتا كەتەلىك، بىلتىر ۇلتتىق پاۆيلوندا كورمەگە قويىلعان رەجيسسەر ەرلان نۇرمۇحامبەتوۆتىڭ «بارىمتا» جوباسى بۇگىندە  «قازاقفيلم» كينوستۋدياسى مەن جاپونيالىق «Tokyo New Cinema» كينوكومپانيالارىنىڭ قولداۋىمەن وندىرىلمەك.

سونىمەن قاتار، ايمان مۇساقوجايەۆا كانن قالاسىنىڭ ۆيسە-مەرى Frank Chikli مىرزامەن كەزدەسىپ، ەكى ەل اراسىنداعى مادەني، ونىڭ ىشىندە كينەماتوگرافيا مەن تۋريزم سالاسىن نىعايتۋدى كەلىستى.

سالتاناتتى كەشتە ءسوز العان ق ر مادەنيەت جانە سپورت مينيسترلىگىنىڭ وكىلى المات ءسۇيىنوۆ قوناقتارعا سالەم بەرىپ، كينوعا كورسەتىلىپ جاتقان مەملەكەتتىك قولداۋ تۋرالى ايتتى: «بۇگىندە مەملەكەت تەك الەۋمەتتىك ماڭىزدى جوبالارعا ەمەس، سونىمەن قاتار اۆتورلىق كينوعا دا قارجىلىق قولداۋ كورسەتەدى. سونىڭ ارقاسىندا قازاق كينوسى قارقىندى دامىپ كەلەدى. ماسەلەن، وتاندىق «قازاقفيلم» كومپانياسى 20-دان استام ءفيلمدى جارىققا شىعارادى، ال جەكە ستۋديالار 30 فيلم تۇسىرەدى. قازىردە وتاندىق كورەرمەندەر قازاقستاندىق كارتينالاردى كورۋگە ىنتالى. ەلىمىزدەگى كينوتەاترلاردا ۇسىنىلعان فيلمدەردىڭ 15% وتاندىق فيلمدەر».

كينورىنوكتا اشىلعان بارلىعى 230 پاۆيلون بولسا، سونىڭ  قاتارىندا تۇرعان وتاندىق پاۆيلون ءوز تۋىندىلارىن  دەڭگەيلى ۇسىنىپ وتىر. وتاندىق جاڭا فيلمدەردىڭ پرەزەنتاسياسىندا ترەيلەرى كورسەتىلگەن ءاسانالى ءاشىموۆ باستى ءرولدى سومدايتىن، رەجيسسەر حۋات احمەتوۆتىڭ «ارۋاق» كارتيناسى كانن كينوفەستيۆالىنىڭ قوناقتارى، قالانىڭ باسشىلىعى جانە فەستيۆالدىڭ كينوكوميسسياسى ەرەكشە قىزىعۋشىلىق تانىتتى.  سونداي-اق، كورمەگە بولات قالىمبەتوۆتىڭ «تالان»، ەرمەك تۇرسىنوۆتىڭ «كينومەحانيك»، دجەف ۆەسپانىڭ «امىرە» جانە باسقا دا  فيلمدەرى قويىلعان.

ەستەرىڭىزگە سالا كەتەيىك، بۇعان دەيىن كانن كينوفەستيۆالىنىڭ «ەرەكشە كوزقاراس» باعدارلاماسىندا ەلىمىزدىڭ كينەماتوگرافيستەرى جەڭىمپاز اتانعان. 1998 جىلى دارەجان ومىربايەۆ «كيللەر» فيلمىمەن جانە 2008 جىلى سەرگەي دۆورسيەۆوي «تيۋلپان» فيلمىمەن باستى جۇلدەلەرگە يە بولعان. 

ەلىمىزدەن بارعان دەلەگاسيا قاتارىندا مەملەكەتتىك ۇيىمداردىڭ وكىلدەرى، شىعارماشىلىق ينتەللەگەنسيا، قازاقستان كينوسى مەن تەليەۆيزياسىنىڭ بەلدى ازاماتتارى جانە قازاق ۇلتتىق ونەر ۋنيۆەرسيتەتىنىڭ ستۋدەنتتەرى بار.

«قازاقستاننىڭ ۇلتتىق پاۆيلونى» ق ر مادەنيەت جانە سپورت مينيسترلىگىنىڭ قولداۋىمەن «رۋحاني جاڭعىرۋ» باعدارلاماسىن ورىنداۋ ماقساتىندا اشىلعان.