استانادا ەۋرووداق كەڭسەسىنىڭ جانىنا ىلىنگەن لگبت تۋى كوپشىلىكتىڭ نارازىلىعىن تۋعىزدى. ەرەكشە جانداردىڭ جالاۋى ەۋروپا ەلدەرىنىڭ رامىزدەرىنىڭ جانىنان بوي كوتەرگەن دەپ حابارلايدى esil.media پاراقشاسىنا سىلتەمە جاساعان Qamshy.kz اقپارات اگەنتتىگى.

كەيبىر رەسمي ەمەس دەرەكتەر بويىنشا قازاقستاندا 400 مىڭنان استام لگبت وكىلدەرى بار ەكەن.

ايتا كەتەيىك، مۇنى كورگەن جەلى قولدانۋشىلارى اشۋعا بۋلىعىپ، ءتۇرلى سارىنداعى پىكىرلەردى قارشا بوراتتى. 

"بۇل اۋرۋ عوي. ەۋروپا ەلدەرىنەن ۇلگى الىپ كەرەگى جوق"، "ولار وزدەرىن "بالا كۇنىندە پسيحولوگيالىق زاقىم الدىق" دەپ قورعايتىن شىعار. ءبىراق بۇل ءبىزدىڭ سالت-داستۇرىمىزگە جات. ونى ناسيحاتتامايىق"، "جاسىرىن بولعانى ازداي، ەندى تۋىن ءىلىپ قويىپتى. ماسقارا"، "ماحاببات دەگەن جاقسى نارسە. تەك ول ەر مەن ايەلدىڭ اراسىندا تۋىنداسا"، "استانالىقتار، تۋدى جۇلىپ الىپ، ورتەپ جىبەرىڭىزدەر" دەپ اشىندى وقىرماندار.