الماتى وبلىسىنىڭ پوليسەيلەرى ءساۋىر ايىنان بەرى حابار-وشارسىز كەتكەن كامەلەت جاسقا تولماعان ميلانا يزۋكايەۆاەنى تاپتى، دەپ حابارلايدى Qamshy.kz اقپارات اگەنتتىگى الماتى وبلىستىق ءىىد باسپا ءسوز قىزمەتىنە سىلتەمە جاساپ.
ميلانا يزۋكايەۆا الماتىدا قۇربىسىنىڭ ۇيىنەن تابىلدى. ءبىر جارىم اي بويى قىز قۇربىسىنىڭ ۇيىندە تىعىلىپ كەلگەن.
«بۇعان دەيىن 17 جاستاعى قىز 25 ساۋىردە ۇيىنەن شىعىپ كەتىپ قايتىپ ورالماعانى حابارلانعان. تالعار اۋدانىنا قاراستى اۋىلداردىڭ بىرىندەگى مەكتەپتە وقيتىن قىزدىڭ جوعالىپ كەتكەنى تۋرالى اقپاراتتى ونىڭ تۋىستارى جەتكىزگەن» دەلىنگەن الماتى وبلىستىق ءىىد باسپا ءسوز قىزمەتىنىڭ حابارلاماسىندا.
قىزدى ىزدەۋگە تالعار اۋداندىق پوليسيانىڭ جەكە قۇرامىنىڭ بارلىعى جۇمىلدىرىلعان. ءىز-تۇسسىز جوعالىپ كەتكەن قىز تۋرالى اقپارات بارلىق پوليسيا بولىمشەلەرىنە تاراتىلدى جانە الەۋمەتتىك جەلىدە جاريالاندى.
«قىزدى الماتىدا تاپتى. ونىڭ جاعدايى جاقسى. ءقازىر ميلانا تۋىستارىمەن بىرگە» دەيدى وبلىستىق پوليسيا.
قىز بۇعان دەيىن دە بىرنەشە مارتە ۇيىنەن قاشىپ كەتكەن ەكەن.
پىكىر قالدىرۋ