شىمكەنتتەگى م. اۋەزوۆ اتىنداعى وڭتۇستىك قازاقستان ۋنيۆەرسيتەتىنە جاڭا رەكتور بولىپ باس پروكۋرور قايرات قوجامجاروۆتىڭ اپكەسى داريا قوجامجاروۆا تاعايىندالعان. بۇل تۋرالى zhasalash.kz سايتى حابارلادى.

سايتتىڭ دەرەگىنە سۇيەنسەك، ءمينيستردىڭ بۇيرىعى شىعىپ قويعان. الايدا داريا قوجامجاروۆانىڭ وقمۋ-عا رەكتور بولعانى تۋرالى ازىرگە رەسمي اقپارات تارالعان جوق. جاڭا رەكتوردى ۇجىمعا تانىستىرۋ ءۇشىن استانادان ءبىلىم جانە عىلىم ءمينيسترى ەرلان ساعادييەۆتىڭ ءوزى شىمكەنتكە ارنايى بارادى دەپ جوسپارلانىپ وتىر.

جاڭا رەكتور داريا قوجامجاروۆا بۇعان دەيىن تارازداعى مەملەكەتتىك پەداگوگيكالىق ينستيتۋتىنىڭ رەكتورى بولعان. ماماندىعى بويىنشا تاريحشى. ەڭبەك جولىن اتالعان وقۋ ورنىندا قاراپايىم وقىتۋشىلىقتان باستاعان. وسى مەكەمەدە تابان اۋدارماستان جۇمىس ىستەگەن. عىلىم دوكتورى، پرورفەسسور، ۇلتتىق عىلىم اكادەمياسىنىڭ كوررەسپوندەنت مۇشەسى. تاراز قالالىق ءماسليحاتىنىڭ دەپۋتاتى بولعان. 2016 جىلدان جامبىل وبلىستىق ءماسليحاتىنىڭ دەپۋتاتى، ءماسليحاتتاعى تۇراقتى كوميسسياعا جەتەكشىلىك ەتەدى. سونىمەن بىرگە «نۇر وتان» پارتياسى جامبىل وبلىستىق فيليالىندا پارتيالىق باقىلاۋ كوميسسياسىنىڭ ءتورايىمى. ايتا كەتەرى، داريا پەرنەش قىزى قازاقستاننىڭ باس پروكۋرورى قايرات قوجامجاروۆتىڭ تۋعان اپكەسى.

باقىتجان ءابدىراش