قازگيدرومەتتىڭ حابارلاۋىنشا، اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە جاڭبىر، شىعىستا جاۋىن-شاشىن، نايزاعاي، داۋىل بولىپ، جەلدىڭ  كۇشەيۋى كۇتىلەدى، تەك وڭتۇستىكتە جانە وڭتۇستىك-باتىستا جاۋىن-شاشىنسىز اۋا رايى كۇتىلەدى. كەي جەرلەردە تۇمان،  شاڭدى داۋىل بولىپ، بۇرشاق جاۋۋى مۇمكىن.

قىزىلوردا وبلىسىنىڭ كەي جەرلەرىندە تاڭەرتەڭ جانە كۇندىز داۋىل، شاڭدى داۋىل، جەلدىڭ كۇشەيۋى 15-23 م/س كۇتىلەدى.  سولتۇستىك  قازاقستان وبلىسىنىڭ كەي جەرلەرىندە تۇمان، داۋىل، بۇرشاق بولۋى مۇمكىن، تۇندە باسىم بولىگىندە، كۇندىز كەي جەرلەرىندە جەل 15-20، تۇندە كەي جەرلەردە ەكپىنى 25 م/س  كۇشەيۋى  كۇتىلەدى. قوستاناي وبلىسىنىڭ كەي جەرلەرىندە جەل 15-20 م/س كۇشەيىپ،  تۇمان بولىپ، بۇرشاق جاۋۋى مۇمكىن.  اقمولا، اقتوبە وبلىستارىنىڭ، تاڭەرتەڭ جانە كۇندىز قاراعاندى جانە پاۆلودار وبلىستارىنىڭ كەي جەرلەرىندە جەل كۇشەءيىپ، بۇرشاق بولۋى مۇمكىن، اقمولا وبلىسىنىڭ كەي جەرلەرىندە داۋىل بولادى. تۇندە الماتى جانە جامبىل وبلىسىنىڭ كەي جەرلەرىندە  تۇمان كۇتىلەدى. باتىس قازاقستان، شىعىس قازاقستان وبلىستارىنىڭ، كۇندىز وڭتۇستىك قازاقستان، ماڭعىستاۋ، اتىراۋ وبلىستارىنىڭ كەي جەرلەرىندە جەل 15-20 م/س كۇشەيەدى. شىعىس قازاقستان وبلىسىنىڭ كەي جەرلەرىندە تۇندە 2 گرادۋسكا دەيىن ۇسىك كۇتىلەدى.