ۇلتتىق بانك ەل ازاماتتارىنا WhatsApp جەلىسىندە ءبىرقاتار قازاقستاندىق بانكتەردىڭ تۇراقسىز جاعدايى تۋرالى جالعان اقپارات تاراپ جاتقانىن ەسكەرتتى.

مۇنداي قاۋەسەتتى تاراتۋشىلار ق ر ۇلتتىق بانكىنىڭ 2017 جىلعا دەيىنگى قىزمەتىنىڭ ناتيجەلەرى تۋرالى مالىمەتتەردى جاريالاپ جىبەرگەن، دەپ دەپ جازادى Qamshy.kz اقپارات اگەنتتىگى ۇلتتىق بانكتىڭ باسپا ءسوز قىزمەتىنە سىلتەمە جاساپ. 

«ق ر ۇلتتىق بانكى مۇنداي اقپارات ۇلتتىق بانكتىڭ جىل سايىنعى ەسەبىندە دە، قارجىلىق تۇراقتىلىق تۋرالى ەسەپتە دە، ءتىپتى باسقا قۇجاتتا دا جوق، ال تاراپ كەتكەن مالىمەتتەر جالعان اقپاراتتار»، - دەپ مالىمدەدى ەلدىڭ قارجى باقىلاۋشىسى.

ۇلتتىق بانك تاراپ كەتكەن ەسەپتەر بانكتىڭ ءوزى تۋرالى اقپارات ەكەنىن ايتادى. سونىمەن قاتار وندا قارجى جۇيەسىنىڭ جانە باسقا دا فۋنكسيالاردىڭ ماكروەكونوميكالىق جاعدايلارى جونىندەگى مالىمەتتەر بار.

«ۇلتتىق بانك، قارجى نارىعىنداعى رەتتەۋشى رەتىندە، جەكە بانكتەردەگى نەمەسە باسقا قارجى ينستيتۋتتارىنداعى قارجىلىق جاعداي تۋرالى اقپاراتتى تاراتپايدى. قارجى ينستيتۋتتارىنىڭ جاعدايىن باعالاۋ قاداعالاۋ پراكتيكاسى شەڭبەرىندە جۇزەگە اسىرىلادى، سودان كەيىن قاجەتتى تۇزەتۋلەر قابىلدانادى. تيىسىنشە، ۇلتتىق بانك  قارجى ينستيتۋتتارىمەن قارجى نارىعىنداعى قىزمەتتى جۇزەگە اسىرۋعا ليسەنزيا بەرۋدى توقتاتا تۇرۋ تۋرالى دەر كەزىندە اقپارات بەرەدى»، - دەپ حابارلادى ۇلتتىق بانكتىڭ باسپا ءسوز قىزمەتى.

ۇلتتىق بانك بانك سەكتورىن جەتىلدىرۋ جانە بانكتەردىڭ ەكونوميكانى كرەديتتەۋ ءۇشىن ماكروەكونوميكالىق جاعدايلاردى جاقسارتۋ اياسىندا ءقازىردىڭ وزىندە قابىلدانعان شارالاردىڭ ناتيجەلەرىن باقىلاپ وتىرعانىن اتاپ ءوتتى.

جالعان اقپارات تاراتقانداردى انىقتاۋ ءۇشىن ۇلتتىق بانك قۇقىق قورعاۋ ورگاندارىنا شاعىمداندى.