قاراعاندىدا پوليسياعا جالعان اقپارات بەرىپ، بىرەۋگە جالا جاپقانى ءۇشىن 22 جاستاعى قىزعا قاتىستى قىلمىستىق ءىس قوزعالۋى مۇمكىن، دەپ حابارلايدى Qamshy.kz اقپارات اگەنتتىگى.
قاراعاندى وبلىستىق ءىىد تاراتقان مالىمەتكە سايكەس، قىز ماس كۇيىندە تاكسيدە تەلەفونىن ءتۇسىرىپ العان. قىز قۇقىققورعاۋ ورگاندارى جوعالعان تەلەفوندى ىزدەمەيدى دەپ شەشىپ، «تاكسي جۇرگىزۋشىسى وعان كۇش كورسەتىپ تەلەفوندى تارتىپ الدى» دەپ پوليسياعا شاعىمدانعان.
قاراعاندى وبلىستىق ءىىد تەكسەرۋ بارىسىندا قىزدىڭ جالعان اقپارات بەرگەنىن انىقتاعان. قىزدىڭ ۇستىنەن «جالا جابۋ» بويىنشا قىلمىستىق ءىس قوزعالىپ، كىناسى دالەلدەنسە ول 3 جىلعا دەيىن باس بوستاندىعىنان ايىرىلۋى مۇمكىن.
