گەرمانيا پرەزيدەنتى فرانك-ۆالتەر شتاينمايەر گوموسەكسۋالداردى قۋدالاعانداردىڭ  اتىنان كەشىرىم سۇرادى. گەرمانيادا گوموسەكسۋالدار 1930 جىلدارى قۋعىنعا ۇشىراسا، سوڭعى ون جىلدىقتا سول جاعداي ەش وزگەرگەن ەمەس. بۇل جايىندا Deutsche Welle باسىلىمى جازدى.

3 ماۋسىمدا بەرليندە گوموسەكسۋالدارعا ارنالىپ اشىلعان ءمۇسىننىڭ ون جىلدىعىنا ارنايى ءىس-شارا ءوتتى. ول ءمۇسىن ۇلتتىق سوسياليزم كەزىندە قۋدالانعان گوموسەكسۋالدارعا ارنالىپ ورناتىلعان. ساياساتكەر جىنىستىق ازشىلىق وكىلدەرىنەن «بارلىق ازاپتار،  ادىلەتسىزدىكتەر مەن كەيىنگى ۇزاق ۇنسىزدىك ءۇشىن» كەشىرىم سۇراعانىن ايتتى.

شتاينمايەردىڭ ايتۋىنشا، ۇلتتىق سوسياليزم تۇسىندا ون مىڭداعان گوموسەكسۋالداردىڭ جەكە ءومىرى، سەزىمى مەن ارى «ەڭ پارمەندى تۇردە زورلىق-زومبىلىققا، قورلىققا ۇشىرادى». «ولار ازاپتالىپ، تۇرمەگە جانە كونسلاگەرلەرگە جىبەرىلدى (...) ون مىڭداعان ادام ءولتىرىلدى»، - دەپ ءتۇسىندىردى ول.

ساياساتتانۋشىنىڭ ايتۋىنشا، ءۇشىنشى رەيحتەن كەيىن - گدر مەن گەرمانيا فەدەراتيۆتىك رەسپۋبليكاسى – گوموسەكسۋالداردى تۇتقىنداپ، سوتتاپ، تۇرمەگە قاماعان.