قازاقستاندا 1 شىلدەدەن باستاپ بازالىق زەينەتاقى تولىقتاي بەرىلەتىن بولادى دەپ حابارلايدى Qamshy.kz اقپارات اگەنتتىگى.

بۇل تۋرالى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى سۆەتلانا جاقىپوۆا باياندادى.

ۆيسە-مينيستردىڭ سوزىنشە، ءقازىر ەلىمىزدە بازالىق زەيناتاقى الاتىن 2 ميلليون 148 مىڭ زەينەتكەر بار.

"ەگەر زەينەتكەردىڭ ەڭبەك ءوتىلى 10 جىل نەمەسە ودان كەم، نە مۇلدە بولماسا وعان ەڭ تومەنگى كۇنكورىس دەڭگەيىنىڭ 54 پروسەنتى، ياعني 15 مىڭ 274 تەڭگە تولەنەدى. ياعني 10 جىلعا دەيىن – بۇل كەپىلدەندىرىلگەن كولەم. قازاقستاندا بازالىق زەينەتاقىنى بۇل سومادان تومەن ەشكىم المايدى. ال ەگەر ەڭبەك ءوتىلى 10 جىلدان اسسا، وندا تاعى 2 پايىز ۇستەمە قوسىلادى. ماسەلەن، 11 جىل ەڭبەك ءوتىلى بارلار تومەنگى كۇنكورىس دەڭگەيىنىڭ 56 پروسەنتىن الاتىن بولادى. ەگەر ەڭبەك ءوتىلى 28 جىلدى قۇراسا، كۇنكورىس دەڭگەيىنىڭ 90 پايىزىنا جۋىقتايدى"، — دەدى جاقىپوۆا وكق-دە وتكەن باسپا ءسوز ءماسليحاتىندا.

سۆەتلانادا جاقىپوۆا، سونىمەن قاتار، شىلدەدەن باستاپ 100 پايىز بازالىق زەينەتاقى كولەمىن 2 ميلليون زەينەتكەردىڭ قانشاسى الاتىنىن ايتتى.

"بۇگىندە 2 ميلليون 148 مىڭ ادامنىڭ 44،5 پروسەنتى ەڭ تومەنگى كۇنكورىس دەڭگەيىنىڭ 100 پايىزىن الاتىن بولادى. ءابسوليۋتتى ماندە ايتساق، 940 مىڭعا تارتا زەينەتكەرگە 28 284 تەڭگە تولەنەدى. تاعى 43-44%-ى، ياعني 931 مىڭى  74 پايىزدان 90 پايىزعا دەيىن الادى.تەك 120 مىڭ زەينەتكەر عانا كۇنكورىس دەڭگەيىنىڭ 54 پروسەنتىن الادى. سەبەبى بۇل ازاماتتاردىڭ ەڭبەك ءوتىلى 10 جىلدان كەم"، — دەپ ناقتىلادى مينيستر ورىنباسارى.