«Almaty Management University» پرەزيدەنتى، قوعامدىق قايراتكەر اسىلبەك قوجاحمەتوۆ «قازاقستاننىڭ ازاماتتىق اليانسى» زاڭدى تۇلعالار بىرلەستىگىنىڭ پرەزيدەنتى بولىپ تاعايىندالدى.

2018 جىلى 5 ماۋسىمدا استانادا قازاقستان ازاماتتىق اليانسىنىڭ سايلاۋ كونفەرەنسياسى ءوتتى. وعان ايماقتىق ۇكىمەتتىك ەمەس ۇيىمداردىڭ باسشىلارى قاتىستى.

كونفەرەنسيا بارىسىندا قاتىسۋشىلار اسىلبەك قوجاحمەتوۆتى «قازاقستاننىڭ ازاماتتىق اليانسى» زاڭدى تۇلعالار بىرلەستىگىنىڭ جاڭا پرەزيدەنتى ەتىپ سايلادى.

قازاقستان ازاماتتىق اليانسىنىڭ پرەزيدەنتى لاۋازىمىنا قوجاحمەتوۆ اسىلبەك بازارباي ۇلىنىڭ كانديداتۋراسى «قازاقستاننىڭ اقپاراتتىق-رەسۋرستىق ورتالىعىنىڭ ۇلتتىق جۇيەسى» اسسوسياسياسى تۇرىندەگى زاڭدى تۇلعالار بىرلەستىگىمەن ۇسىنىلدى.

اسىلبەك قوجاحمەتوۆ 1958 جىلى 22 مامىردا دۇنيەگە كەلگەن. ول قازاقستاندىق قوعام قايراتكەرى، بيزنەس-بىلىم بەرۋ جانە مەنەدجمەنت سالاسىنداعى ساراپشىسى، Almaty Management University پرەزيدەنتى.

ول «قۇرمەت»، «قازاقستان رەسپۋبليكاسى تاۋەلسىزدىگىنىڭ 20-جىلدىعى» وردەندەرى جانە اقش «People to People International» – «فاكەل بيرمەنگەما» حالىقارالىق ۇيىمداردىڭ ناگراداسىمەن ماراپاتتالعان. مەنەدجمەنت جانە ءبىلىم بەرۋدى دامىتۋ جونىندەگى 60-تان استام عىلىمي جاريالانىمداردىڭ اۆتورى بولىپ تابىلادى.

قازاقستاننىڭ ازاماتتىق اليانسى قازاقستاننىڭ 500-دەن اسا ۇەۇ بىرىكتىرەتىن ەڭ ءىرى رەسپۋبليكالىق ۇكىمەتتىك ۇيىم بولىپ تابىلادى. ۇيىمنىڭ جۇيەلىك قۇرىلىمدارى ەلىمىزدىڭ 16 ايماعىندا، ونىڭ ىشىندە استانا مەن الماتى قالالارىندا جۇمىس جاسايدى. ازاماتتىق اليانستىڭ قىزمەتى ازاماتتىق ۇستانىمدى دامىتۋعا جانە قوعام، بيلىك پەن بيزنەس اراسىنداعى تۇراقتى سەرىكتەستىكتى قالىپتاستىرۋعا باعىتتالعان.

«قازاقستاننىڭ ازاماتتىق اليانسى» زاڭدى تۇلعالار بىرلەستىگىنىڭ بۇرىنعى پرەزيدەنتى تاڭىربەرگەن بەردوڭعار ءوز ەركىمەن قىزمەتىن بوساتۋ تۋرالى ءوتىنىش بىلدىرگەن.