ق ر دەنساۋلىق ساقتاۋ ءمينيسترى ەلجان ءبىرتانوۆ الماتىعا ساپارى بارىسىندا مەنينگوكوكك ينفەكسياسىنان قايتىس بولعانداردىڭ تۋىستارىمەن كەزدەسپەي، قايتىپ كەتكەن.

3 ماۋسىمدا جۇقپالى دەرتتەن كوز جۇمعان 27 جاستاعى ولجاس سۇلەيمەنوۆتىڭ اعاسى Tengrinews.kz پورتالىنىڭ تىلشىسىنە بۇل اقپاراتتى راستادى. قايعى جۇتىپ وتىرعان ەربولات سۇلەيمەنوۆ ەگەر مينيسترمەن كەزدەسكەندە، بار شىندىقتى ايتار ەدىم دەيدى. ونىڭ ايتۋىنشا، ولجاس سۇلەيمەنوۆتىڭ ولىمىنەن كەيىن عانا دارىگەرلەر قىزۋى كوتەرىلىپ كەلگەن ناۋقاستاردى قابىلداي باستاعان. ول ۋاقىتقا دەيىن قابىلداماعان كورىنەدى.

5 جاسار ۇلى مەن 19 جاستاعى كەلىنىنەن ايىرىلعان ايدا احمەتوۆا مينيسترمەن كەزدەسۋ ءۇشىن ارنايى استاناعا بارعان. الايدا ويى جۇزەگە اسپايدى. ايدا احمەتوۆا مەنينگيت جۇقپالى دەرتىنىڭ ەمى بارىنا سەنىمدى. سول سەبەپتى وسى ماسەلەنى سوڭىنا دەيىن جەتكىزەمىن دەپ وتىر.

بۇدان بۇرىن دەنساۋلىق ساقتاۋ ءمينيسترى ەلجان ءبىرتانوۆ مەنينگيتتەن كوز جۇمعانداردىڭ جاقىندارىنا كوڭىل ايتىپ، الماتىعا ساپارى بارىسىندا ولارعا جەكە كىرىپ شىعۋ تۋرالى جوسپارى بارىن مالىمدەگەن.