جۇڭگو ءتوراعاسى شي جين پيڭ اقش-تىڭ يران يادرولىق كەلىسىمىنەن شىعىپ كەتكەنىنە وكىنىشىن ءبىلدىرىپ، كەلىسىمدى ساقتاۋدا رەسەيمەن بىرلەسىپ جۇمىس ىستەۋگە دايىن ەكەنىن مالىمدەدى.
«ءبىز اقش-تىڭ يران كەلىسىمىنەن شىعىپ كەتكەنىنە وكىنەمىز. كەلىسىمدى ساقتاۋ اياسىندا جۇڭگو رەسەيمەن جانە وزگە مەملەكەتتەرمەن بىرلەسىپ جۇمىس ىستەۋگە دايىن»، - دەدى شي جين پيڭ شىۇ-نىڭ كەڭەيتىلگەن وتىرىسىندا.
ايتا كەتەيىك، 8 مامىردا اقش پرەزيدەنتى دونالد ترامپ ارنايى مالىمدەمە جاساپ، ۆاشينگتون يران كەلىسىمىنەن شىعاتىنىن مالىمدەگەن. ول يراندى «تەرروريزمدى قولدادى» دەپ ايىپتادى. مالىمدەمەسى بارىسىندا «يران كەلىسىمىن قايتا قاراۋ كەرەك نەمەسە مۇلدە توقتاتۋ قاجەت» دەپ توقەتەرىن ايتقان بولاتىن. ءوز كەزەگىندە يران پرەزيدەنتى حاسان روۋحاني «اقش 2015 جىلعى يادرولىق كەلىسىمنەن شىقسا، وپىق جەيدى» دەدى.
