"الماتى حالىقارالىق اۋەجايى" اق پرەزيدەنتى ايبول بەكمۇحامبەتوۆ وتستاۆكاعا كەتتى، دەپ حابارلايدى Qamshy.kz اقپارات اگەنتتىگى كومپانيانىڭ facebook-تەگى پاراقشاسىنا سىلتەمە جاساپ.

11 ماۋسىمدا "الماتى حالىقارالىق اۋەجايى" ديرەكتورلار كەڭەسىندە ا. بەكمۇحامبەتوۆتىڭ ءوز ەركىمەن قىزمەتىنەن بوساتۋ تۋرالى وتىنىشىنە بايلانىستى پرەزيدەنتتىك  وكىلەتتىلىگىن توقتاتۋ تۋرالى شەشىم قابىلدانعان.

ايبول بەكمۇحامبەتوۆ "الماتى قالاسىنىڭ حالىقارالىق اۋەجايىن" 2009 جىلدان بەرى باسقارىپ كەلدى.

ايبول ءانۋار ۇلى 1962 جىلى 1 اقپاندا اقتوبە قالاسىندا دۇنيەگە كەلگەن. اقتوبە ازاماتتىق اۆياسيانىڭ جوعارى ۋچيليششەسىن بىتىرگەن، تەحنيكا عىلىمدارىنىڭ كانديداتى. ەڭبەك جولىن 1983 جىلى پيلوتتىق نۇسقاۋشى رەتىندە باستاعان. ءار جىلدارى «اقتوبە حالىقارالىق اۋەجايى» اق، «اتىراۋ» حالىقارالىق اۋەجايى »اق،« استانا »حالىقارالىق اۋەجايى» اق باسشىسى بولدى. «كرەمەت» (2002)، «دوستىق» II دارەجەلى (2007 ج.)، «پاراسات» وردەنىنىڭ يەگەرى (2011). ازاماتتىق اۆياسيانىڭ ەڭبەك سىڭىرگەن قىزمەتكەرى (2007).

الماتى اۋەجايى - ورتالىق ازيا مەن قازاقستانداعى ەڭ ۇلكەن اۋەجاي. ۇشۋ قارقىندىلىعى ساعاتىنا 12-15 ۇشاق نەمەسە تاۋلىگىنە 170-كە جەتەدى. 2017 جىلى 5،7 ميلليون جولاۋشىعا قىزمەت كورسەتتى. قازىرگى ۋاقىتتا، اۋەجاي تاۋلىگىنە 13 مىڭ. 500 جولاۋشىعا دەيىن قىزمەت كورسەتەدى.