بولات ەرجانوۆ الماتى حالىقارالىق اۋەجايىنىڭ پرەزيدەنتى بولىپ تاعايىندالدى،  دەپ حابارلايدى Qamshy.kz اقپارات اگەنتتىگى كومپانيانىڭ باسپا ءسوز قىزمەتىنە سىلتەمە جاساپ. 

"الماتى حالىقارالىق اۋەجايىنىڭ" پرەزيدەنتى لاۋازىمىنا وسىعان دەيىن كومپانيانىڭ تاسىمالداۋدى ۇيىمداستىرۋ جونىندە اتقارۋشى ديرەكتور قىزمەتىن اتقارعان بولات ەرجانوۆ تاعايىندالدى"، - دەلىنگەن حابارلامادا. 

بولات ەرجانوۆ 1966 جىلى 9 جەلتوقساندا پاۆلودار وبلىسىندا دۇنيەگە كەلگەن. ومسك ازاماتتىق اۆياسيا ۋچيليششەسىنىڭ تۇلەگى.

ەڭبەك جولىن 1997 جىلى قازاقستان رەسپۋبليكاسى ازاماتتىق اۆياسيا باسقارماسىنىڭ بىرلەسكەن اۆياسيالىق قۇرامىندا باستادى. 1997 جىلدان 2003 جىلعا دەيىن «ەير قازاقستان» اۆياكومپانياسىندا، «ەرتىس اۆيا» اۆياكومپانياسىندا جۇمىس ىستەدى، 2003 جىلدان باستاپ الماتى حالىقارالىق اۋەجايىندا باسشىلىق قىزمەتتەر اتقاردى. 2010 جىلدىڭ 1 قاڭتارىنان باستاپ «الماتى حالىقارالىق اۋەجايى» اق تاسىمالداۋدى ۇيىمداستىرۋ جونىندەگى اتقارۋشى ديرەكتور بولدى.

الماتى اۋەجايى - ورتالىق ازيا مەن قازاقستانداعى ەڭ ۇلكەن اۋەجاي. ۇشۋ قارقىندىلىعى ساعاتىنا 12-15 ۇشاق نەمەسە تاۋلىگىنە 170-كە جەتەدى. 2017 جىلى 5،7 ميلليون جولاۋشىعا قىزمەت كورسەتتى. قازىرگى ۋاقىتتا، اۋەجاي تاۋلىگىنە 13 مىڭ. 500 جولاۋشىعا دەيىن قىزمەت كورسەتەدى.