الماتىدا 20 جاستاعى جىگىتتى كولىكپەن قاعىپ، ارىققا لاقتىرىg كەتكەن. بۇل جايىندا Tengrinews جازادى. سونىمەن قاتار جىگىتتىڭ تىستەرى سىنعان، اۋزى مەن مۇرنى جىرىلعان.

وقيعا تولە بي مەن بايزاقوۆ كوشەسىنىڭ قيىلىسىندا 8 ماۋسىمدا تاڭعى 9-دا بولعان.

— ادەتتە ول 40 مينۋت كولىكپەن جۇرەدى. ارتىنشا بايزاقوۆ كوشەسىنە شىعىپ، جاياۋ جۇرەدى. سول كۇنى دە ۇلىم ءدال سولاي جۇرگەن، - دەيدى جىگىتتىڭ اناسى.

جىگىتتىڭ ءوزى باعدارشام مەن قاتتى كەلە جاتقان كولىكتى عانا ەسىندە ساقتاعان.

جىگىتتى اۋرۋحاناعا جەتكىزگەن كەزدە قانىندا كوپ مولشەردە سپيرت  تابىلعان. جىگىتتىڭ اناسىنىڭ ايتۋىنشا، ونى قاققان ادام شەتكە شىعارىپ، ىشىمدىك ىشكىزگەن. 

— مەنىڭشە ونى قاعىپ، جاقىن جەرگە اپارىپ، ىشىمدىك ىشكىزگەن. ونىڭ تىستەرى سىنعان، ەرنى جىرىلعان، تاماعى كۇيىپ قالعان. مەنىڭ ۇلىم ىشىمدىك ىشپەيدى. ول سول كۇنى جۇمىسقا بارا جاتقان. ءقازىر تاماقتى بايقاپ جەيدى، وعان ءازىر جۇرۋگە بولمايدى، باس كۇيەگى زاقىمدانعان. ءبىز باسىندا نە بولعانىن بىلمەدىك. كولىك قاققانى جايلى ونىڭ ءوزى ايتتى. وقيعانىڭ قالاي بولعانىن ايتقاندا بىردەن پوليسياعا حابارلاستىق. پوليسيا قىزمەتكەرلەرى «ماس بولدى، توبەلەستى، قۇلاپ قالدى» دەپ تۇسىنىكتەمە بەرۋگە مەنى  ماجبۇرلەدى، - دەيدى جىگىتتىڭ اناسى مارينا دولگاليەۆا.