قاسكەلەڭدەگى ينفەكسيالىق اۋرۋحانا شىلدەنىڭ اياعىنا دەيىن كۇردەلى جوندەۋ جۇمىستارىنان ءوتۋى ءتيىس. بۇل تۋرالى ق ر دەنساۋلىق ساقتاۋ ءمينيسترى ەلجان ءبىرتانوۆ ۇكىمەت ساعاتى بارىسىندا ايتتى.

الماتى وبلىسىنىڭ اكىمدىگى اۋرۋحانانى جوندەۋ جۇمىستارىنا قارجى ءبولۋ تۋرالى شەشىم قابىلداعان. ءبىرتانوۆ اكىمدىكتىڭ بۇل شەشىمىن قۇپتاعانىمەن، اۋرۋحاناعا قاتىستى نارازىلىعى بارىن ءبىلدىردى. 

«ءبىزدىڭ قولىمىزدا قوعامدىق دەنساۋلىق قورعاۋ كوميتەتىنىڭ انىقتاماسى بار. وندا وبەكتىنىڭ سانيتارلىق نورمالارعا ساي كەلمەيتىنى جايلى جازىلعان. اكىمدىككە بۇيرىق بەرىلدى، شىلدەنىڭ سوڭىنا دەيىن قالپىنا كەلتىرۋ كەرەك. قايتا تەكسەرۋ جۇرەدى، ەگەر ەسكەرتۋلەر ورىندالسا، اۋرۋحانا ءوز جۇمىسىن جالعاستىرا الادى. الايدا ول مەملەكەتتىك نورماتيۆكە ساي كەلمەيدى. سول سەبەپتى ءبىز اۋداندىق اۋرۋحانامەن بىرىكتىرۋدى ۇسىنامىز. جەكە اۋرۋحانا رەتىندە ەمەس، قۇرىلىمدىق بولىمشە رەتىندە جۇمىس ىستەيدى. بۇل قىزمەت كورسەتۋ ساپاسىنىڭ ارتۋىنا سەپتىگىن تيگىزەدى»، - دەدى ءبىرتانوۆ ۇكىمەت ساعاتىندا.

ايتا كەتەيىك، دەنساۋلىق ساقتاۋ ءمينيسترى ەلجان ءبىرتانوۆ  ماۋسىمدا تاڭعى جۋىق 19 جاستاعى بويجەتكەن كوز جۇمعان قاسكەلەڭدەگى ينفەكسيالىق اۋرۋحاناعا باردى. كەيىن اۋرۋحانانى جابۋ تۋرالى بۇيرىق بەردى.