كيم چەن ىن مەن دونال ترامپ كورەي تۇبەگىن يادرولىق قارۋسىزداندىرۋ بويىنشا قۇجاتقا قول قويدى، دەپ حابارلايدى Qamshy.kz اقپارات اگەنتتىگى.
قول قويىلعان قۇجاتتامادا كورەي تۇبەگىن يادرولىق قارۋدان تازارتۋ مىندەتتەمەسى تۋرالى جازىلعان. الايدا قۇجاتتىڭ ىشىندە امەريكاندىقتاردىق پحەنياننان يادرولىق قارۋ مەن كونتينەنتارالىق باليستيكالىق راكەتالاردان تۇبەگەيلى باس تارتۋىنا قول جەتكىزۋى تۋرالى بىردە ءبىر ءسوز جوق.
«27 ساۋىردە قابىلدانعان پحانمۋندجوم دەكلاراسياسىن راستاي وتىرىپ، كورەي تۇبەگىن يادرولىق قارۋسىزدانىرۋ ءۇشىن ءتيىستى شارالاردى جۇرگىزۋ مىندەتتەلەدى»، - دەپ جازىلعان كيم چەن ىن مەن ترامپ قول قويعان قۇجاتتا.
بيىل ءساۋىر ايىندا پحانمۋندجومداعى كەلىسسوزدە ەكى ەل باسشىلارى سولتۇستىك كورەيا كورەي تۇبەگىن يادرولىق قارۋسىزداندىرۋ بويىنشا حالىقارالىق قاۋىمداستىقپەن بىرلەسە جۇمىس جاساۋعا ۋادە ەتكەن دەكلاراسيانى قابىلداعان بولاتىن.
