نۇرلان ءنىعماتۋليننىڭ ءتوراعالىق ەتۋىمەن ءماجىلىستىڭ پلەنارلىق وتىرىسىندا ءبىرقاتار مەملەكەتتىك فۋنكسيالاردى باسەكەلەستىك ورتاعا بەرۋ تۋرالى زاڭنامالىق وزگەرىستەر قارالدى، دەپ حابارلايدى Qamshy.kz اقپارات اگەنتتىگى.
زاڭ جوباسىندا حالىقتىڭ دەنساۋلىعى جانە دەنساۋلىق ساقتاۋ جۇيەسى تۋرالى كودەكسكە تۇزەتۋلەر ەنگىزۋ قاراستىرىلعان. وعان سايكەس ازاماتتاردىڭ مەديسينالىق كومەك ساپاسىنا قاناعاتتانۋ دەڭگەيىن انىقتاۋ مەملەكەتتىك الەۋمەتتىك تاپسىرىس ارقىلى ۇكىمەتتىك ەمەس ۇيىمدارعا بەرىلۋى ۇسىنىلدى.
«ازاماتتاردىڭ مەديسينالىق كومەككە قاناعاتتانۋىن ازاماتتىق قوعام ينستيتۋتتارى باعالاعانى دۇرىس. مينيسترلىكتىڭ نازار اۋداراتىن باسقا دا ماسەلەلەرى جەتىپ جاتىر. ەڭ الدىمەن، مەديسينالىق كومەكتى ساپالى ۇيىمداستىرۋدى قولعا الۋ كەرەك»، - دەدى ءماجىلىس سپيكەرى.
سونىمەن قاتار نىعماتۋلين ۇكىمەتتىك ەمەس ۇيىمدار دەنساۋلىق ساقتاۋ مينيسترلىگىنە ءار ءتۇرلى جاعدايلاردا جىلدام ارەكەت ەتۋگە كومەكتەسەتىنىن اتاپ ءوتتى.
پىكىر قالدىرۋ