قازاقستاندىقتار بالالارىنا كوبىنە قانداي ساياساتكەرلەردىڭ ەسىمىن بەرەدى؟ Tengrinews.kz پورتالى انىقتاپ كورىپتى. العاشقى ۇشتىككە اسىلجان، نۇرسۇلتان جانە كارىم ەسىمدەرى كىردى. سوڭعى ەكى جارىم جىلدا وسى ەسىمدەرمەن 1 690، 1837 جانە 702 بالانىڭ اتى اتالعان.

تاعى ءبىر كوپ تارالعان ەسىم – باۋىرجان. 731 بالانىڭ ەسىمى – بايبەك. ونىڭ 42ء-سى بايبەك بولىپ تىركەلگەن.

يمانعالي دەگەن ەسىم دە ءجيى كەزدەسەدى. سوڭعى ەكى جارىم جىلدا 612 بالانىڭ ەسىمى يمانعالي اتالعان.

سونىمەن قاتار 42 بالانىڭ ەسىمى – باحىتجان، ال 256 بالانىكى – باقىتجان.

احمەتجان – 109، ارىستانبەك – 62، تاڭىربەرگەن – 84 (تانيربەرگەن –13). بەس بالانىڭ ەسىمى – قاسىم-جومارت.

ساياساتكەرلەردەن سيرەك كەزدەسەتىن ەسىمدەر – قالمۇحانبەت، بەردىبەك جانە عابيدوللا.

ءتىپتى ەلىمىزدە الەمدىك ساياساتكەرلەردىڭ ەسىمىن بەرەتىندەر دا بار ەكەن. ماسەلەن ءبىر بالانىڭ ەسىمى – دونالد، ەكى بۇلدىرشىنگە تەرەزا دەگەن ەسىم قويعان. تاعى ەكەۋى باراك اتالسا، ءتورت بالاقاي ەممانۋەل بولىپ ءجۇر. ەڭ كوبى ساددام ەكەن. بۇل ەسىممەن قازاقستاندىق 24 بالا اتالعان.