2018 جىلدان باستاپ www.egov.kz ەلەكتروندى ۇكىمەت پورتالىندا «بانكتىك شوت اشۋدى جانە قىزمەتكەردى ەڭبەك (قىزمەتتىك) مىندەتتەرىن اتقارعان كەزىندە جازاتايىم جاعدايلاردان مىندەتتى ساقتاندىرۋدى ەسكەرە وتىرىپ، زاڭدى تۇلعانى تىركەۋ» قىزمەتى ىسكە قوسىلدى.

بۇرىن كاسىپكەر الدىمەن زاڭدى تۇلعانى تىركەپ، كەيىن بانكتەن جەكە شوت اشىپ، ودان كەيىن ققس بويىنشا ەسەپكە قويۋ ءۇشىن سالىق ورگاندارىنا، سونداي-اق ساقتاندىرۋ كومپانياسىنا باراتىن. بۇرىن مەملەكەتتىك ورگاندار، بانكتەر مەن ساقتاندىرۋ كومپانيالارى جەكە ۇسىناتىن قىزمەتتىڭ جاڭارتىلعان جالپى سيپاتى قازاقستاندا بيزنەس اشۋدى جەڭىلدەتەدى.

ازىرگە كاسىپورىندى تىركەگەن كەزدە بىردەن «ForteBank»، «سەسنابانك»، «حالىق بانك» جانە «الفا-بانك» اق-دا بانكتىك شوت اشىپ، «مەملەكەتتىك اننۋيتەتتىك كومپانيا» ءومىردى ساقتاندىرۋ بويىنشا كومپانيا» اق جانە «ازيا Life» ءومىردى ساقتاندىرۋ بويىنشا كومپانيا» اق- مەن ساقتاندىرۋ كەلىسىمشارتىن جاساۋعا بولادى. جاقىن بولاشاقتا تاعى 9 بانك پەن 4 ساقتاندىرۋ كومپانياسى قوسىلادى.