نۇرتاي ابىقايەۆ "وتانداستار قورى" اق پرەزيدەنتى بولىپ سايلاندى. بۇل مالىمەتتى ۇيىم وكىلدەرى راستادى، - دەپ حابارلايدى Tengrinews.kz.

ەسكە سالا كەتەيىك، نۇرسۇلتان نازاربايەۆ بىلتىر قازاقتاردىڭ V دۇنيەجۇزىلىك قۇرىلتايى كەزىندە "وتانداستار" قورىن قۇرۋدى تاپسىرعان بولاتىن.

"ءبىز سولتۇستىك كاۆكازدان ادامداردى قابىلدادىق، ولارعا ەسىگىمىزدى اشتىق. نەگە ءبىز ءوزىمىزدىڭ قازاقتاردى ءبولۋىمىز قاجەت؟ سوندىقتان مەن بيزنەسمەندەردى وسىعان ۇلەس قوسۋعا شاقىرامىن. قۇرىلتاي باسشىلىعى، پرەزيدەنت اكىمشىلىگى جانە ۇكىمەتتەگىلەرگە جوعارىدا ايتىپ وتكەن قوردى قۇرۋدى تاپسىرامىن"، - دەگەن ەدى مەملەكەت باسشىسى.

نۇرتاي ابىقاي ۇلى ابىقايەۆ 1947 جىلى الماتى وبلىسى جامبىل اۋدانى جامبىل اۋىلىندا دۇنيەگە كەلگەن.

1970 جىلى كەڭەس اسكەرىنىڭ قاتارىندا قىزمەت ەتكەن. 1972 جىلدان  الماتى اۋىر ماشينا جاساۋ زاۋىتىنىڭ اعا ينجەنەرى، ينجەنەر-كونسترۋكتورى. 1976 جىلدان باستاپ قازاقستان كومپارتياسى الماتى قالاسى اۋەزوۆ اۋداندىق كوميتەتى پارتيالىق-ۇيىمداستىرۋ ءبولىمىنىڭ نۇسقاۋشىسى، 1977 جىلدان - ونەركاسىپ-كولىك ءبولىمىنىڭ نۇسقاۋشىسى، 1978 جىلى ونەركاسىپ-كولىك ءبولىمىنىڭ مەڭگەرۋشىسى، 1980 جىلى قازاقستان كومپارتياسى وك اۋىل شارۋاشىلىعى ماشينالارىن جاساۋ ءبولىمىنىڭ نۇسقاۋشىسى. 1984 جىلى قازاقستان كومپارتياسى وك حاتشىسىنىڭ كومەكشىسى قىزمەتتەرىن اتقارعان.

سونداي-اق نۇرتاي ابىقايەۆ ق ر ۇلتتىق قاۋىپسىزدىك كوميتەتىنىڭ ءتوراعاسى بولعان.