قازاقستاندا مىڭنان اسا شەنەۋنىك جۇمىستان شىعارىلۋى مۇمكىن. بۇگىندە ەلىمىزدە ءارتۇرلى دەڭگەيدە 98 مىڭ شەنەۋنىك جۇمىس ىستەيدى. بۇل تۋرالى ۇلتتىق ەكونوميكا ءمينيسترى تيمۋر سۇلەيمەنوۆ مالىمدەدى.
بىرەر اي بۇرىن كاسىپكەرلىكتى رەتتەۋ تۋرالى زاڭناماعا ەلباسى قول قويعان. وسى زاڭناما اياسىندا تالداۋ جۇرگىزىلىپ، شەنەۋنىكتەردىڭ سانىن قىسقارتۋ بويىنشا ناقتى جوسپار جاسالدى. ازىرگە جوسپارعا 1 131 شەنەۋنىك ەنىپ وتىر. سۇلەيمەنوۆتىڭ ايتۋىنشا، شەنەۋنىكتەردى قىسقارتۋ تۋرالى سوڭعى شەشىمدى ۇكىمەت پەن پرەزيدەنت اكىمشىلىگى قابىلدايدى.
مۇنداي وزگەرىستىڭ ماقساتى – بيزنەستى رەتتەۋ سالاسىنداعى زاڭنامانى جەتىلدىرۋ. ال زاڭعا سايكەس مەملەكەتتىك باقىلاۋ فۋنكسيالارىن 30 پايىزعا قىسقارتۋ كوزدەلىپ وتىر.
پىكىر قالدىرۋ