ق ر بالالار قۇقىقتارى جونىندەگى ۋاكىل قىزمەتىنە جاڭادان تاعايىندالعان ساۋلە ايتپايەۆا الداعى جوسپارلارى تۋرالى ايتىپ بەردى، دەپ حابارلايدى Qamshy.kz اقپارات اگەنتتىگى. 

«ارينە، الدىمەن ءبارىن قاراپ شىعۋ قاجەت. وسى جۇمىستىڭ نەگىزىندە الداعى جوسپارلار دا جاسالادى. ءسوز جوق، بالالار قۇقىقتارىن قورعاۋ ماسەلەسىنە باسا نازار اۋدارىلادى. مەن ءوزى ءبىر كۇننىڭ ىشىندە ميلليونداعان بالانىڭ اناسى بولىپ شىقتىم. بۇل – ۇلكەن جاۋاپكەرشىلىك، ۇلكەن سەنىم. ال جاۋاپكەرشىلىك بار جەردە جۇمىس تا كوپ. مەن ءوزىم ءبىر نارسەنى الدىن الا ايتپايمىن، ناقتى فاكتىمەن سويلەگەندى جاقسى كورەمىن»، – دەدى س.ايتپايەۆا جۋرناليستەرگە بەرگەن سۇxباتىندا.

ونىڭ ايتۋىنشا، بالالار قۇقىقتارىن قورعاۋ ءۇشىن الدىمەن انا مەن اكە ينستيتۋتىن كۇشەيتۋ كەرەك. مۇعالىمدەر دە بالانىڭ كوڭىلىنە باسا نازار اۋدارۋى قاجەت.

«بىرىنشىدەن، اتا-انالار ءوز بالاسىنىڭ جاعدايىن ءتۇسىنۋى كەرەك. ونى قانداي ماسەلەلەر مازالاپ ءجۇر؟ نەگە الاڭدايدى؟ سونىڭ ءبارىن ءبىلۋى ءتيىس. ەكىنشىدەن، مۇعالىمدەر دە بالانىڭ جاعدايىن باقىلۋى قاجەت. ءالى ەسىمدە، ءبىزدىڭ كەزىمىزدە مۇعالىمدەر انامىز سياقتى بولدى. وتباسىنىڭ جاعدايىن، بالانىڭ قانداي ماسەلەگە الاڭداپ جۇرگەنىن – ءبارىن-بارىن ءبىلىپ وتىراتىن. مەنىڭشە، قازىرگى سىنىپ ساعاتتارىن ءمۇعالىم مەن بالا اراسىنداعى بايلانىستى ورناتۋعا ارناۋ قاجەت. نەگىزى، مۇعالىمگە، اناعا، اكەگە دەگەن سەنىم بولسا، بالانىڭ وز-وزىنە دەگەن سەنىمى دە مىقتى بولادى. ءدال وسى سەنىمدى كۇشەيتۋىمىز كەرەك. اكە كودەكسى، انا كودەكسى سياقتى ءبىر قۇجات بولۋ كەرەك سياقتى. سوندا ناقتى اقىل-كەڭەستەردى كورسەتۋگە بولادى»، – دەپ اتاپ كورسەتتى  ايتپايەۆا.

ەستەرىڭىزگە سالساق،  كەشە پرەزيدەنتتىڭ وكىمىمەن ق ر پارلامەنت سەناتىنىڭ دەپۋتاتى ساۋلە ايتپايەۆا ق ر بالا قۇقىقتارى جونىندەگى ۋاكىل قىزمەتىنە تاعايىندالدى. ساۋلە مۇحانبەديان قىزى - قازاقستاننىڭ تۇڭعىش ايەل گەنەرالى. وسىناۋ جوعارى شەندى 2013 جىلى وتان قورعاۋشىلار كۇنى پرەزيدەنت نۇرسۇلتان نازاربايەۆتىڭ ءوزى تابىس ەتكەن بولاتىن.