پاراگۆايدا ءوزىنىڭ جانازاسىنىڭ ۇستىنەن تۇسكەن ەر ادام تۋىستارىن شوشىتتى، دەپ حابارلايدى Qamshy.kz اقپارات اگەنتتىگى "The mirror" گازەتىنە سىلتەمە جاساپ.
جيىرما جاستاعى جىگىت بىرنەشە كۇن بۇرىن ءىز-تۇسسىز جوعالىپ كەتكەن. كەيىنىرەك جەرگىلىكتى پوليسيا جاقىن ماڭنان ورتەنگەن ادامنىڭ ءمايىتىن تاۋىپ العان. ءمايىتتى وتباسى مۇشەلەرى جوعالعان تۋىسىنىڭ ءمايىتى دەپ تۇسىنەدى.
برازيليامەن شەكاراداعى باقىلاۋدىڭ السىزدىگىنە بايلانىستى ەر ادامنىڭ تۇرعىلىقتى ورنىندا قىلمىس كورسەتكىشى جوعارى. وسى سەبەپتى ونى بىرەۋلەردىڭ قيناپ ولتىرگەنى وتباسى ءۇشىن جاڭالىق بولماعان.
تابىلعان ءمايىتتى پوليسيا وتباسى مۇشەلەرىنە تابىستاپ، كەلەسى كۇنى قوشتاسۋ ءراسىمىن ۇيىمداستىرىلعان. الايدا «ولگەن ەر ادام» ءوزىنىڭ جانازاسىنىڭ ۇستىنەن تۇسكەن. وتباسى مۇشەلەرى ولدىگە ساناعان تۋىسىن كورگەندە الدىمەن قاتتى شوشىپ، ارتىنشا قۋانىشتارىن جاسىرا الماعان.
پىكىر قالدىرۋ