تۇركيا پرەزيدەنتى رەجەپ تايىپ ەردوعان كەزەكتى پرەزيدەنتتىك سايلاۋدا العاشقى تۋردا جەڭىسكە جەتتى، دەپ حابارلايدى Qamshy.kz اقپارات اگەنتتىگى. 

بيۋللەتەندەردىڭ 96 پايىزى سانالعانداعى رەسمي ناتيجە بويىنشا، ەردوعان 52 پايىز داۋىس جيناعان. 

پارلامەنت سايلاۋىندا دا ەردوعاننىڭ "ادىلەت جانە دامۋ" پارتياسى (AKP) 42،49 پايىز داۋىس جيناپ، پارلامەنتتەگى 293 ورىندى يەلەندى.

ۇلتتىق قوزعالىس پارتياسى (MHP) 11،19 پايىز داۋىس جيناپ، 49 ورىندى يەلەندى. جالپى ەسەپتە "ۇلتتىق اليانس" پارتياسى 342 ورىنعا يە بولدى.

رەسپۋبليكالىق حالىقتىق پارتياسى (CHP) 22،7 پايىز جيناپ، 146 ورىنعا يە بولدى. 1،4 پايىز داۋىس جيناعان "فەليسيتي" پارتياسى (SP) ءبىر دە ءبىر ورىنعا ىلىكپەدى.

وسىلايشا، "ۇلت" اليانسى پارلامەنتتەگى 192 ورىنعا تابان تىرەدى.
كۇردشىل حالىقتىق دەموكراتيالىق پارتيا (HDP) 11،2 پايىز داۋىس جيناپ، پارلامەنتتەن 66 ورىن ءتيدى.

تۇركيانىڭ ءبىر پالاتالى پارلامەنتىندە 600 ورىن بار.