ب ا ق وكىلدەرىنىڭ كاسىبي مەرەكەسى قارساڭىندا «الماتى» تەلەارناسىنىڭ ۇجىمى وتاندىق جۋرناليستيكا سالاسىنىڭ دامۋىنا قوسقان ۇلەسى ءۇشىن ق ر پرەزيدەنتىنىڭ العىس حاتىمەن ماراپاتتالدى.

بۇعان دەيىن ق ر پرەزيدەنتىنىڭ باسپا ءسوز قىزمەتى ب ا ق سالاسى بويىنشا مەملەكەت باسشىسىنان جىل سايىنعى سىياقى مەن گرانتتار جانە العىس حات الۋ ءۇشىن ۇسىنىستار قابىلداۋدىڭ باستالعانىن حابارلاعان بولاتىن.

ايتا كەتۋ كەرەك، رەداكسيا ۇجىمى كۇن سايىن الماتى مەن استانانىڭ جانە ەل وڭىرلەرىنىڭ ماڭىزدى جاڭالىقتارىن تىكەلەي ەفير ارقىلى كورەرمەندەرىنە دەر كەزىندە كورسەتىپ كەلەدى. «الماتى» تەلەارناسى قالا مەن ەلدىڭ ءومىرى تۋرالى تەك تەكسەرىلگەن جانە وبەكتيۆتى دەرەكتەرگە سۇيەنە وتىرىپ، ەكونوميكالىق، ساياسي، مادەني جانە الەۋمەتتىك ماڭىزى بار ماسەلەلەردى كوتەرەدى.

سوڭعى 2،5 جىلدا ارنانىڭ كۇندەلىكتى كورەرمەندەر سانى ەكى ەسەگە دەيىن ءوسىپ وتىر. وسىلايشا، بۇعان دەيىن قالالىق تەلەارنا مارتبەسىندە بولعان «الماتى-TV» بۇگىندە رەسپۋبليكالىق دەڭگەيگە شىعىپ، وزگە دە ءىرى تەلەارنالارمەن بىرگە باسەكەلەستىك ورتاعا تۇسكەن.

سونىمەن قاتار، سوڭعى 2 جىلدا تەلەارنا قارجىلىق كورسەتكىشتەرىن دە جاقسارتىپ كەلەدى. ال، تىكەلەي ەفير بىرنەشە ساعاتتىق باعدارلامالار كورسەتە الاتىن دەڭگەيگە جەتىپ وتىر. بۇدان وزگە تەلەارنانىڭ ءوز ونىمدەرى – فيلمدەر مەن تەلەسەريالدار ءتۇسىرىلىپ، قالىڭ كورەرمەنگە جول تارتتى.

"ءبىزدىڭ ەڭبەكتى جوعارى باعالاعانى ءۇشىن العىس ايتقىم كەلەدى. ءبىز باسەكەگە قابىلەتتىلىكتى جانە كونتەنتتىڭ ساپاسىن ارتتىرۋ ءۇشىن ودان ءارى دە جۇمىسىمىزدى جالعاستىرا بەرەمىز"، - دەدى «الماتى» تەلەارناسىنىڭ باس ديرەكتورى الىبەك ۇسەن ۇلى.

انىقتاما:

«الماتى» تەلەارناسى – «وڭتۇستىك استانا» ترك» ءاق-نىڭ ەفيرلىك برەندى. 1999 جىلى قالالىق تەليەۆيزيا بازاسىندا قۇرىلعان. 2010 جىلى ايماقتىق ارنادان رەسپۋبليكالىق تەلەارنا بولىپ وزگەرىپ، 2016 جىلدىڭ اقپان ايىندا وڭىرلەردى تۇتاس قامتيتىن ۇلتتىق سيفرلىق حابار تاراتۋشىلاردىڭ تىزىمىنە ەنگەن. ەفيردەن بەرىلەتىن باعدارلامالاردىڭ 55% مەملەكەتتىك تىلدە كورسەتىلەدى. تەلەارنانىڭ استانا قالاسىندا تىلشىلەر قوسىنى بار. سونىمەن قاتار، تۇركىستان، اقتوبە، قاراعاندى، قوستاناي جانە سولتۇستىك قازاقستان وبلىستارىنداعى سەرىكتەستەرىمەن تىعىز بايلانىس ورناتقان.

«الماتى» تەلەارناسى ءموبيلدى، تەحنولوگيالىق جانە يننوۆاسيالىق تەلەكومپانيا بولۋدى، سونداي-اق، ەڭ ۇزدىك ىسكەرلىك جاڭالىقتاردى، تەرەڭ تالداۋ مەن ساراپتاۋدى، ساپالى مادەني جانە ويىن-ساۋىقتىق باعدارلامالاردى كورەرمەندەرىنە دەر كەزىندە جەتكىزۋدى كوزدەيدى.