الماتى اكىمى باۋىرجان بايبەك ۇلتتىق ءبىرىڭعاي تەستىلەۋدىڭ قورىتىندىسى بويىنشا ەڭ جوعارى بالل جيناعان №123 مەكتەپ - گيمنازيانىڭ تۇلەگى شيارا قۇدايبەرگەنوۆامەن كەزدەستى.  بۇل تۋرالى الماتى اكىمدىگىنىڭ باسپا ءسوز قىزمەتى حابارلادى.

الماتىنىڭ وقۋشىلارى 101،2 باللا جيناپ، ەلىمىز بويىنشا ءبىرىنشى ورىنعا شىقتى. وتكەن جىلمەن سالىستىرعاندا بيىل «التىن بەلگى» يەلەرىنىڭ قاتارى 100 تۇلەككە ارتتى.

شيارا قۇدايبەرگەنوۆا بولاشاق ماماندىعىن انىقتاعانىن، «لوگيستيكا» ماماندىعى بويىنشا قازاقستاندىق ۋنيۆەرسيەتتەرى ءبىرىنىڭ ەكونوميكا فاكۋلتەتىنە ءتۇسۋدى جوسپارلاعانىن ايتتى.

«مەملەكەت باسشىسىنا ۇلكەن راحمەت، ول ءبىلىم مەن ەل جاستارىنا تۇراقتى نازار اۋدارىپ كەلەدى. ءوزىمنىڭ جانە اتا- انامنىڭ اتىنان 11 جىل بويىنا ءبىلىم نارىمەن سۋسىنداتقان بارلىق مۇعالىمدەرگە العىس ايتامىن»، - دەدى ول.

كەزدەسۋ بارىسىندا قالا باسشىسى وعان داۆوستاعى بۇكىلالەمدىك ەكونوميكالىق فورۋمنىڭ نەگىزىن قالاۋشى كلاۋس شۆابتىڭ «ءتورتىنشى وندىرىستىك ريەۆوليۋسيا» اتتى كىتاپتى سىيلادى، ول پرەزيدەنتتىڭ «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى اياسىندا باسىلىپ شىققان ەدى.

«مەملەكەت باسشىسى «رۋحاني جاڭگىرۋ» باعدارلاماسىندا «ەگەر قۇندىلىق جۇيەسىندە ءبىلىم باعا جەتپەس بايلىق بولسا، وندا ۇلتتى تەك جەتىستىك قانا كۇتىپ تۇر» دەگەن بولاتىن. بۇگىن الماتى ەلىمىزدىڭ ءىرى ءبىلىم، مادەنيەت جانە عىلىمي ورتالىعى ەكەندىگىن تاعى ءبىر رەت دالەلدەدى. العان بىلىمدەرى مەن جيناعان جوعارى بالل ارقاسىندا تۇلەكتەرىمىزدىڭ باسىم كوپشىلىگى ەلىمىزدىڭ جوعارى وقۋ ورىندارىنا گرانتقا تۇسە الادى. بيىلعى جىلى «پرەزيدەنتتىڭ بەس الەۋمەتتىك باستاماسى» اياسىندا بۇرىن- سوڭدى بولماعان قوسىمشا 20 مىڭ ستيپەنديا ءبولىنىپ، 75 مىڭ ورىندى جاڭا ستۋدەنتتىك جاتاقحانا قۇرىلىسى باستالدى»، - دەپ اتاپ ءوتتى باۋىرجان بايبەك.

2018 جىلى ۇلتتىق ءبىرىڭعاي تەستىلەۋگە 6735 تۇلەك قاتىستى، ولاردىڭ 3999 قازاق تىلىندە، 2731 ورىس تىلىندە، 5ء-ى اعىلشىن تىلىندە سىناق تاپسىردى. قاتىسۋشىلار سانى وتكەن جىلمەن سالىستىرعاندا 802 ادامعا ءوستى. 379 تۇلەك شىعارماشىلىق ەمتيحاندى تاڭدادى.

قالا بويىنشا ورتاشا بالل - 101،2 وتكەن جىلعى كورسەتكىشتەن 3،7 باللعا جوعارى. تۇلەكتەردىڭ 55%-ى 100 جانە ودان جوعارى بالل جينادى، بۇل وتكەن جىلمەن سالىستىرعاندا 7%-عا كوپ. الماتىلىق 314 تۇلەك 130-140 بالل جينادى.

ەڭ جوعارى 140 باللدى №123 مەكتەپ- گيمنازيا تۇلەگى شيارا قۇدايبەرگەنوۆا جينادى.№162 مەكتەپ- گيمنازيا تۇلەگى داۋلەت حامزين مەن №104 جالپىورتا ءبىلىم بەرەتىن مەكتەپ تۇلەگى ايگەرىم يباعالييەۆا 139 باللعا قول جەتكىزدى. 14 تۇلەك 137 جانە 138 باللدان جينادى.

ايتا كەتەرلىگى، رەسپۋبليكالىق وليمپيادادا الماتى وقۋشىلارى 13 جىل قاتارىنان كوماندالىق ءبىرىنشى ورىننان كورىنۋدە. رەسپۋبليكالىق عىلىمي سايىستا 16 رەت قاتارىنان، 11 سىنىپ وقۋشىلارى اراسىندا ماتەماتيكا، فيزيكا، حيميا جانە بيولوگيا پاندەرى بويىنشا وتكەن پرەزيدەنتتىك وليمپيادادا بەسىنشى رەت جەڭىمپاز اتاندى. 2018 جىلى جاراتىلىستانۋ- ماتەماتيكا پاندەرى بويىنشا جاسوسپىرىمدەر اراسىندا العاش رەت وتكەن رەسپۋبليكالىق كونكۋرستا دا ءبىرىنشى ورىندى جەڭىپ الدى.

بيىلعى جىلى بارلىق مەكتەپتەردە فيزيكا، حيميا، بيولوگيا جانە لينگافوندى-مۋلتيمەديالىق كابينەتتەر مەن كەشەندەر اشىلعان. ممەكتەپتەردىڭ ءبارى كەڭ جولاقتى عالامتورعا 100% قوسىلعان. «سيفرلى قازاقستان» مەملەكەتتىك باعدارلاماسىن جۇزەگە اسىرۋ ءۇشىن الداعى وقۋ جىلىندا قالانىڭ 80 مەكتەبىندە ارنايى ءىت ليسەيلەر مەن ءىت سىنىپتار اشۋ جوسپارلانعان. قازىرگى كەزدە قالانىڭ بارلىق مەكتەپتەرىنىڭ وقۋ كابينەتتەرىنە مۋلتيمەديلىك ۇشتىك الىنۋدا.