2018 جىلعى 1 ساۋىردەگى جاعداي بويىنشا قازاقستان رەسپۋبليكاسىنىڭ سىرتقى بورىشى 166،6 ملرد اقش دوللارى، ال سىرتقى بورىشتىڭ ىجو-گە قاتىناسى 102،2% (جىل باسىنان باستاپ 2،8 %-عا جاقسارىپ) بولدى. بۇل تۋرالى Qamshy.kz اقپارات اگەنتتىگى ۇلتتىق بانكتىڭ باسپا ءسوز قىزمەتىنە سىلتەمە جاساپ حابارلايدى.

ۆەدومستۆو دەرەكتەرىنە سۇيەنسەك، سىرتقى بورىش قۇرىلىمىندا 63%-دى بۇرىنعىسىنشا فيرماارالىق بەرەشەك، 26% بايلانىستى ەمەس كرەديتورلار الدىنداعى «باسقا سەكتورلاردىڭ» سىرتقى بورىشى، 8% مەملەكەتتىك سىرتقى بورىش (ۇكىمەت پەن ۇلتتىق بانك)، 4% - «بانكتەر» سەكتورىنىڭ سىرتقى مىندەتتەمەلەرى (ەدب جانە «قازاقستاننىڭ دامۋ بانكى» اق).

2018 جىلعى 1ء-شى توقساندا ەلدىڭ سىرتقى بورىشى 0،8 ملرد اقش دوللارىنا قىسقاردى. ازايۋ نەگىزىنەن قىتايدىڭ مەملەكەتتىك جانە قارجىلىق ۇيىمدارىنان تارتىلعان سىرتقى قارىزداردى وتەۋگە، سونداي-اق قازاقستاندىق ەميتەنتتەردىڭ بورىشتىق باعالى قاعازدارىنىڭ نارىقتىق قۇنىنىڭ تومەندەۋىنە جانە سونىڭ سالدارىنان ولارعا سۇرانىستىڭ قۇلدىراۋىنا بايلانىستى بولدى.

بەيرەزيدەنتتەردىڭ قولدارىنداعى كولەمى 1،4 ملرد اقش دوللارىن قۇراعان ۇلتتىق بانكتىڭ قىسقا مەرزىمدى نوتتارى كەزەڭ ىشىندە 3 ەسەدەن استام ۇلعايىپ، ەرەكشەلەندى.

"تالدامالىق ماقساتتا سىرتقى بورىش قۇرىلىمىندا 2018 جىلعى 1 ساۋىردە 27،1 ملرد اقش دوللارى بولعان مەملەكەت باقىلايتىن ۇيىمداردىڭ سىرتقى بورىشى (بانكتەر مەن مەملەكەتتىك سەكتور كاپيتالىنا 50%-دان استام تىكەلەي نەمەسە جاناما قاتىساتىن ۇيىمدار) جەكە كورىنەدى.

2018 جىلعى 1-توقساندا 0،3 ملرد اقش دوللارىنا ازايۋ شەتەلدىك ەنشىلەس ۇيىمداردان الىناتىن سىرتقى قارىزداردى يگەرۋدى جالعاستىرۋ جۇڭگو بانكتەرى الدىنداعى كرەديتتەردى مەرزىمىنەن بۇرىن وتەۋمەن، سونداي-اق كۆازيمەملەكەتتىك ەميتەنتتەردىڭ ەۋرووبليگاسيالارىنىڭ نارىقتىق قۇنىنىڭ تومەندەۋىمەن تەڭەستىرۋ ەسەبىنەن بولدى.

قازاقستان رەسپۋبليكاسىنىڭ تازا سىرتقى بورىشى 2018 جىلعى 1-توقساندا 0،3 ملرد اقش دوللارىنا ۇلعايىپ، 46،0 ملرد اقش دوللارىن قۇرادى. بۇل رەتتە مەملەكەتتىك سەكتور جانە «بانكتەر» قالعان الەمگە قاتىسى بويىنشا تازا كرەديتورلار بولدى، ال «باسقا سەكتورلار» تازا قارىز الۋشىلار بولىپ تابىلادى"، - دەلىنگەن ۆەدومستۆودا.