مەملەكەت باسشىسىنىڭ كەلىسىمىمەن جانە باس پروكۋروردىڭ بۇيرىعىمەن 3-سىنىپتى ادىلەت كەڭەسشىسى داستان شايمەردەن ۇلى سارتايەۆ باس اسكەري پروكۋرور لاۋازىمىنا تاعايىندالدى، دەپ حابارلايدى Qamshy.kz اقپارات اگەنتتىگى باس پروكۋراتۋرانىڭ باسپا ءسوز قىزمەتىنە سىلتەمە جاساپ.

داستان سارتايەۆ 1959 جىلى تۋعان.

س.م. كيروۆ اتىنداعى قازمۋ "زاڭگەر" ماماندىعى بويىنشا بىتىرگەن.

ەڭبەك جولىن 1981 جىلى جامبىل وبلىسى پروكۋراتۋراسى ورگاندارىنان باستادى. اۋدان جانە قالا پروكۋراتۋرالارىنا باسشىلىق ەتتى. اقتوبە، اتىراۋ جانە پاۆلودار وبلىستارىنىڭ پروكۋراتۋرالارىن باسقاردى. 2014 جىلدان باستاپ ماڭعىستاۋ وبلىسى پروكۋرورى لاۋازىمىندا بولدى.

زاڭ عىلىمدارىنىڭ كانديداتى.

"قۇرمەت" جانە ءىى دارەجەلى "داڭق"وردەندەرىمەن ماراپاتتالعان.

پروكۋراتۋرا ورگاندارىنداعى ەڭبەك ءوتىلى 36 جىل.