7 شىلدە كۇنى «حابار» تەلەارناسىندا ش. ايمانوۆ اتىنداعى «قازاقفيلم» كينوستۋدياسى مەن بريتاندىق حابار تاراتۋ كورپوراسياسى (BBC) بىرلەسىپ تۇسىرگەن ەكى دەرەكتى فيلم كورسەتىلەدى. بۇل تۋىندىلاردىڭ بۇكىل الەمدە جانە قازاقستانداعى العاشقى كورسەتىلىمى.

ساعات 19.25-تە «التىن ادام تۋرالى اڭىز» ءفيلمى ەفيرگە شىعادى، كارتينادا ساق جاۋىنگەرىنىڭ ساۋىت-سايماندارى، جالپى بەلگىلى ارحەولوگيالىق ولجانىڭ تاريحى تۋرالى اڭگىمە ءوربيدى.  

ساعات 19.50-دە – ايشا ءبيبى مەن قوجا احمەت ياسساۋي كەسەنەلەرى تۋرالى «ۇلى دالا اڭىزدارى» ءفيلمىنىڭ تۇساۋكەسەرى.

ايشا ءبيبىنىڭ قابىر-كەسەنەسى XII عاسىردا سالىنعان. اڭىز بويىنشا كەسەنەنى ايشا ءبيبى قايتىس بولعان جەرگە ونىڭ عاشىعى، تاراز بيلەۋشىسى قاراحان تۇرعىزعان.

قوجا احمەت ياسساۋي كەسەنەسى - سوپى اقىن قوجا احمەت ياسساۋي جەرلەنگەن ورىندا سالىنعان جانە XIV عاسىرعا جاتقىزىلادى. قۇرىلىس يۋنەسكو-نىڭ بۇكىلالەمدىك مۇرا نىسانى بولىپ تابىلادى.

فيلمدەر سونداي-اق BBC كورپوراسياسىنىڭ ارنالارىندا دا كورسەتىلەدى.