گەرمانيانىڭ اسكەري بيۋدجەتى تەك 1%، ال اقش تالابى ناتو-نىڭ ءار مۇشە مەملەكەتىنەن ىشكى جيىنتىق ءونىمنىڭ 1% نەن 4% كە دەيىن كوتەرۋدى تالاپ ەتەدى. بۇگىنگى تاڭدا رەسەيدەن قورعانۋ اۋىرتپالىعىن نەگىزىنەن اقش كوتەرەدى. ەسەسىنە، گەرمانيا رەسەيدەن كوپتەگەن ميلليارد دوللارعا گاز ساتىپ الادى دا، رەسەيدى كۇشەيتەدى دەيدى ترامپ. سوندىقتان اقش گەرمانيادان رەسەيگە قارسى اسكەري شىعىنداردى 4% جەتكىزۋدى تالاپ ەتەدى. گەرمانيا اقش-تى اقىماق مەملەكەت دەپ ەسەپتەمەسىن دەپ اقش پرەزيدەنتى ترامپ نارازىلىعىن بىلدىرەدى. سوڭعى جىلدارى اقش ەكونوميكاسى اسكەري شىعىنداردىڭ كوپتىگىنەن باسەكەلەستىك مۇمكىندىگىن تومەندەتىپ كەلەدى. گەرمانيا اۆتوموبيلدەرى اقش رىنوگىندا قاپتاپ، اقش اۆتولارىنىڭ باسەكەگە قابىلەتى تومەندەپ كەلەدى. سول سەبەپتى ەۆروپا تاۋارلارىنا اقش باج سالىعىن سالماق. ەركىن ساۋدا پرينسيپتەرىنىڭ ورنىنا پروتەكسيونيزم ساياساتى كەلەدى.

P.S. رەسەي ءباسپاسوزى جانە رەسەيدىڭ ءسوزىن سويلەيتىن باتىستىڭ سولاقاي ءباسپاسوزى ترامپتى اۋمەسەر-اقىماق رەتىندە كورسەتەدى. ال اقش ەكونوميكاسى ترامپتىڭ رەفورمالارىنىڭ اسەرىنەن كوتەرىلىپ كەلەدى، سوندىقتان اقش ازاماتتارىنىڭ سيمپاتيالارى كۇشەيىپ كەلەدى. ترامپ وباما سياقتى سىپايىگەرشىلىكتى قويىپ، وداقتاس مەملەكەتتەرگە - گەرمانيا كانسلەرى مەركەلگە شىن تالاپتاردى باتىل قويىپ كەلەدى. ال باتىس ەۆروپاداعى ناتو-داعى وداقتاستار بارلىق اسكەري شىعىندى اقش-قا وڭگەرمەك. سوندىقتان اقش ازاماتتارى ءوز پرەزيدەنتىن قولداۋدى كۇشەيتتى. سول سياقتى ترامپتىڭ شىندىقتى بەتكە باسىپ ايتاتىن ادەتىن دە قولدايتىن بولدى. ترامپتىڭ ۇستانىمى بويىنشا اقش-تى ۇلى مەلەكەتكە اينالدىرۋ ماقساتىن ورىنداۋ ءۇشىن ەشبىر مەملەكەتتى مويىنعا وتىرعىزباي، ماسىلدىق جاساتپاۋ تالابىن ورىنداتپاق.