بەلگىلى جۋرناليست، اقىن جاناربەك ءاشىمجان رەسپۋبليكالىق "انا ءتىلى" گازەتىنىڭ باس رەداكتورى بولىپ تاعايىندالدى، دەپ حابارلايدى Qamshy.kz اقپارات اگەنتتىگى. 

جاناربەك ءاشىمجان 1976 جىلى 1 ساۋىردە الماتى وبلىسى كەگەن اۋدانى جالاڭاش اۋىلىندا تۋعان.

1999 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن بىتىرگەن.

1996–1999 جج. قالالىق «الماتى اقشامى» گازەتىندە ءتىلشى، 2000 جىلى «قازاقستان» جۋرنالىندا ءبولىم رەداكتورى قىزمەتتەرىن اتقارعان.

2000–2005 جج. رەسپۋبليكالىق «جاس الاش» گازەتىندە ءبولىم مەڭگەرۋشىسى، 2005–2008 جج. رەسپۋبليكالىق «جاس قازاق» ۇلتتىق اپتالىعىندا باس رەداكتوردىڭ ورىنباسارى بولىپ قىزمەت ەتكەن.

2008–2018 جج. قازاقستان جازۋشىلار وداعىنا قاراستى «جۇلدىز»، «پروستور»، «سىن» جۋرنالدارى مەن «قازاق ادەبيەتى» گازەتتەرىن بىرىكتىرگەن «قالامگەرمەديا» ورتالىعىنىڭ ديرەكتورى قىزمەتىن اتقاردى.

2012–2018 جج. قازاقستان جازۋشىلار وداعى باسقارما ءتوراعاسىنىڭ ورىنباسارى.