باتىس قازاقستان وبلىسىنىڭ زەلەنوۆ اۋدانىنا قاراستى داريان اۋىلىندا IT-سىنىبىمەن جابىقتالعان العاشقى مەكتەپتىڭ عيماراتى پايدالانۋعا بەرىلمەك. 100 بالاعا ارنالعان ينتەرنات پەن 300 ورىندىق جاڭا مەكتەپتىڭ كابينەتتەرى سپورت، اكت زالدارى زاماناۋي قۇرال-جابدىقتارمەن قامتاماسىز ەتىلگەن.

اقپاراتتىق تەحنولوگيالار سىنىبىندا ساباقتار ەلەكتروندى وقۋلىقتىڭ كومەگىمەن وتكىزىلەتىندىكتەن، وقىتۋشىلار ارنايى دايىندىق كۋرسىنان ءوتتى. وسى تەكتەس سىنىپتار جاڭا وقۋ جىلىندا ايماقتىڭ 14 مەكتەبىندە اشىلاتىن بولادى. ال اۋداننىڭ بارلىق شاعىن جيناقتى مەكتەپتەرى Bilimbook جوباسى بويىنشا عالامتورعا قولى جەتپەيتىن مەكتەپتەرگە ارنالعان دەربەس وقىتۋ قۇرىلعىلارىنا، ياعني 500 ترانسفورمەر-كومپيۋتەرگە يە بولادى. Bilimbook – ەلدەگى نازاربايەۆ زياتكەرلىك مەكتەپتەرى جۇيەسىندە سىناقتان وتكەن وزىق ۇلگىلى، جاڭا ادىستەمەلى ساباقتار جۇكتەلگەن كومپيۋتەر-ترانسفورمەر. ول ينتەرنەتكە قوسىلماي-اق پايدالانۋعا جارامدى. قازاق، ورىس، اعىلشىن تىلىندە باعدارلامالار جۇكتەلگەن Bilimbook جادى 2-3 اي سايىن جاڭارتىلىپ تۇرادى. ساباق ەكى تىلدە (قازاق جانە ورىس تىلدەرى) جۇرگىزىلەدى. ارنايى ماماندار كاسىبي بىلىكتىلىگىن ارتتىرۋ كۋرستارىنان وتكەن.

سونداي-اق اۋداندا بۇدان وزگە دە جاڭا نىساندار ەل يگىلىگىنە بەرىلمەك. استانا قالاسىنىڭ 20 جىلدىعىنا وراي، ەكى ساياباق اشىلىپ، اۋداندىق تاريحي-ولكەتانۋ مۋزەيىنىڭ تۇساۋى كەسىلەدى دەپ كۇتىلۋدە.
جاڭا قۇرىلىس نىساندارىنىڭ ساپاسىن تەكسەرگەن ءوڭىر باسشىسى التاي كولگىنوۆ تۇرعىندارمەن  جۇزدەسىپ، اۋىل حالقىن ەلدە جانە وبلىس اۋماعىندا اتقارىلىپ جاتقان جۇمىستار جونىندە حاباردار ەتتى.
سونداي-اق، قۇرىلىسى بىتكەن مەكتەپ نىسانىن ارالاپ كورگەن وبلىس باسشىسى زامان تالابىنا ساي سالىنعان ءبىلىم وشاعىنا وڭ باعا بەردى. ەلباسى تاپسىرماسىنا سايكەس اشىلعالى وتىرعان العاش ءىت سىنىپ جاڭا جەتىستىكتەرگە باستايتىن زور مۇمكىندىك بولارىنا سەنىم ءبىلدىردى.