استانانىڭ 20 جىلدىعى قارساڭىندا الماتى قالاسى ىشكى ساياسات باسقارماسىنىڭ تاپسىرىسىمەن «ەل-شەجىرە» قوعامدىق قورى فلەشموب ۇيىمداستىردى. اتالمىش شارا الماتى قالاسىنداعى ارباتتا ءوتتى.

اكسيانىڭ ماقساتى- قالا تۇرعىندارى استانانى جاڭا جاسىمەن قۇتتىقتاپ، الاتاۋدان ارقاعا ىستىق سالەمىن جولداۋ.

شاراعا الماتى قالاسىنىڭ  بەلسەندى ستۋدەنتتەرى مەن جالپى ورتا مەكتەپتىڭ وقۋشىلارى، سونداي-اق "الماتى جاستارى" جاستار رەسۋرستىق ورتالىعىنىڭ ەرىكتىلەرى قاتىستى. 100-گە جۋىق جاستار استاناعا دەگەن ماحابباتىن، سەزىمىن  كورسەتۋ ماقساتىندا جۇرەك بەلگىسىن بەينەلەدى.

فلەشموبقا اتسالىسقان جاستاردىڭ دەنى ەل استاناسىمەن تۇيدەي قۇرداس. 20-عا جەتكەن ورەندەر قاتارىندا بانۋ قۇربانبايەۆا دا بار. ول ەلورداعا ءالى اياق باسىپ كورمەسە دە، جۇرەگىن ۇنەمى ماقتانىش سەزىمى كەرنەيتىنىن جەتكىزدى. بۇعان قوسا، « استانا- بۇگىندە الىپ قالالار قاتارىنا قوسىلدى. وزگە ەلمەن تەرەزەسى تەڭەسىپ، كەرەگى قاتايعان، بوساعاسى بەرىك شاھار. بيىلعى جىلى مىندەتتى تۇردە بارىپ، ءوز كوزىممەن كورىپ قايتپاقپىن. EXPO 2017 حالىقارالىق كورمەسىن بارلىق بىزدەن بارعان قوناقتار اۋىز تولتىرا ماقتاپ كەلدى. كۇن سايىن كوركەيىپ كەلە جاتقان قالانىڭ قارقىنى ءبارىمىزدى قۋانتادى. ءوسىپ، كوركەيە بەرسىن»- دەپ ىستىق ىقىلاسىن ءبىلدىردى.

فلەشموبتىڭ ارتى كونسەرتتىك باعدارلاماعا ۇلاسىپ، ارنايى جاسالعان تورت تارتۋ ەتىلدى. سونىمەن قاتار، استانامەن ءبىر كۇندە تۋىلعان 7 ستۋدەنتكە ارنايى سىيلىق سىيلادى.