كەشە استانادا «اتامەكەن» ق ر ۇكپ ءتورالقاسىنىڭ فارماسيەۆتيكا، مەديسينا ونەركاسىبى مەن مەديسينالىق قىزمەتتەر كوميتەتى  قىزمەتكەرلەرىنە «سك-فارماسيا» ج ش س اقپاراتتىق جۇيەلەرىنىڭ تانىستىرىلىمى ءوتتى، - دەپ جازادى Qamshy.kz اقپارات اگەنتتىگى atameken.kz پورتالىyنىڭ دەرەگىن نەگىزگە الىپ.

«سك-فارماسيا» ج ش س باسقارما ءتوراعاسى بەرىك ءشارىپتىڭ ايتۋىنشا، «ءبىرىڭعاي فارماسيەۆتيكالىق اقپاراتتىق جۇيە» – لوگيستيكالىق وپەراسيالار جانە قويمالاردى باسقارۋعا ارنالادى. سونداي-اق، ول قازىرگى تاڭدا ەكى اقپاراتتىق جۇيەنىڭ قولدانىستا ەكەنىن باسا ايتتى.

«ءبىرىڭعاي فارماسيەۆتيكالىق اقپاراتتىق جۇيە شارتتىق مىندەتتەردى ورىنداۋدىڭ ونلاين-مونيتوريگىن جۇزەگە اسىرۋ، دارى-دارمەكتەردى ساقتاۋ مەن تاسىمالداۋدىڭ قاجەتتى تالاپتارىن ورىندايدى. سونىمەن قاتار، فارماسيەۆتيكالىق ونىمدەردىڭ ساقتاۋ مەرزىمىن ورىنداۋعا مۇمكىندىك بەرەدى. ەكىنشى اقپاراتتىق جۇيە – «دارى-دارمەكپەن قامتاماسىز ەتۋدىڭ اقپاراتتىق جۇيەسى»  ق ر دەنساۋلىق ساقتاۋ مينيسترلىگىمەن  قۇرىلعان بولاتىن»، - دەدى ب. ءشارىپ.

بۇعان قوسا، ول اتالعان جۇيەلەردىڭ مۇمكىندىكتەرى مەن پايداسىن ايتىپ بەردى.

«بۇل جۇيەنى قولدانۋ دارىگەرلەردىڭ رەسەپتتەرىن جەرگىلىكتى جەردە الىپ، جۇزەگە اسىرۋعا مۇمكىندىك بەرەدى. بۇعان قوسا، امبۋلاتوريالىق-ەمحانالىق جانە ءدارىحانالىق ۇيىمدارمەن قامتاماسىز ەتەتىن مەديسينالىق ۇيىمدار اراسىنداعى ءوزارا بايلانىستى جەڭىلدەتەدى»، – دەدى «سك-فارماسيا» ج ش س باسقارما ءتوراعاسى.

سونداي-اق، ول 2018 جىلدىڭ اياعىنا دەيىن باسقارۋدىڭ تيىمدىلىگى مەن جىلدامدىعىن قامتاماسىز ەتەتىن اقپاراتتىق-ساراپتامالىق جۇيەنى ەنگىزۋ جوسپارلانعانىن مالىمدەدى.

كەزدەسۋ بارىسىندا قاتىسۋشىلار وڭىرلەر جانە مەديسينالىق مەكەمەلەر كەسكىنىندە دارى-دارمەكتەردى رەسەپتىلەر بويىنشا بەرۋدى ايتىپ، دارىلىك زاتتاردى تۇتىنۋ ەسەبىن جۇرگىزۋ جايىندا ءوز ۇسىنىستارىن بىلدىرگەن بولاتىن.

ايتا كەتەيىك، «اتامەكەن» ۇلتتىق كاسىپكەرلەر پالاتاسى دەنساۋلىق ساقتاۋ سالاسىن سيفرلاندىرۋ، مىندەتتى الەۋمەتتىك مەديسينالىق ساقتاندىرۋدى ەنگىزگەنگە دەيىن پاسيەنتتىڭ ەلەكتروندى پاسپورتىن ەنگىزۋ ماسەلەسىن بىرنەشە رەت كوتەرگەن بولاتىن.

بيىل ماۋسىم ايىندا «اتامەكەن» ق ر ۇلتتىق كاسىپكەرلەر پالاتاسى جانە ق ر دەنساۋلىق ساقتاۋ مينيسترلىگى اراسىندا 6 باعىت بويىنشا جول كاراتاسىن جۇزەگە اسىرۋ تۋرالى مەموراندۋمعا قول قويىلعان بولاتىن. جوبالىق ءىس-شارالاردىڭ ءبىرى – «دەنساۋلىق ساقتاۋدا سيفرلاندىرۋمەن قامتاماسىز ەتۋ» بار، بۇل جوبا اياسىندا وڭىرلەردەگى مەديسينالىق مەكەمەلەردىڭ اقپاراتتىق جۇيەلەرىنىڭ جۇمىسىمەن ۆيزۋالدى تانىسۋ جانە ناۋقاستىڭ ەلەكتروندىق ءتول قۇجاتىن ەنگىزۋ، مونيتورينگىن جۇرگىزۋ قاراستىرىلعان.