«سوڭعى 20 جىل ىشىندە ەلىمىزدەگى عىلىمي جەتىستىكتەرگە 30 مىڭ پاتەنت بەرىلدى. الايدا، يننوۆاسيالىق پاتەنت ءۇش جىلدان سوڭ كۇشىن جوعالتاتىندىقتان، بۇگىندە كوبىنىڭ مەرزىمى ءوتىپ كەتكەن. حالقىمىزدىڭ سانىن ەسكەرەتىن بولساق، ءبىزدىڭ عىلىمي پوتەنسيالىمىز جاپونيا مەن رەسەيدەن كەم تۇسپەيدى. بۇگىندە قازاقستان ونەرتاپقىشتىعى جونىنەن الدىڭعى قاتارلى ورىنداردى يەلەنىپ وتىر» دەيدى ەستايەۆ ينتەللەكتۋالدى مەنشىككە قاتىستى زاڭنامالاردىڭ كەيبىر تۇستارىن جەتىلدىرۋ ماقساتىندا. ەلىمىزدە جاسالعان وتاندىق عىلىمي جەتىستىكتەرىمىزدىڭ كوبى حيميا، اۋىل شارۋاشىلىعى، مەتاللۋرگيا سياقتى جەتەكشى سالالاردى قامتيدى. نەگىزىنەن عالىمدار ءوزىنىڭ زەرتتەۋ جۇمىستارىن بيۋدجەت تاراپىنان قارجىلاندىرىلاتىن عىلىمي-زەرتتەۋ ينستيتۋتى بازاسىندا جۇرگىزەدى. سەبەبى ونەرتاپقىشتاردىڭ جۇمىسىنا جەكەلەنگەن ينۆەستورلار قىزىعا قويمايتىنى بار. ەستايەۆتىڭ ايتۋى بويىنشا، ونەرتاپقىش ءبىر ەمەس، سانىز مارتە جەتىستىگىن پاتەنتتەي الادى ەكەن. «الدىڭعى جىلى جۇزگە جۋىق ونەرتابىسى مەن عىلىمي زەرتتەۋلەرى، اۆتورلىق قۇجاتتارى بار 80-دەگى ونەرتاپقىش بلينوۆقا مەدال تابىستاعان ەدىك. بىزدە ونەرتاپقىشتار كوپ جانە جىل ساناپ ولاردىڭ قاتارى كوبەيە بەرەدى. Baq.kz