ماسكەۋدە «رەسەي ەنەرگەتيكالىق اپتالىعى – 2018» حالىقارالىق فورۋمىنىڭ شەڭبەرىندە قازاقستان رەسپۋبليكاسىنىڭ ەنەرگەتيكا ءمينيسترى قانات بوزىمبايەۆ جانە رەسەي فەدەراسياسىنىڭ ەنەرگەتيكا ءمينيسترى الەكساندر نوۆاك 2010 جىلدىڭ 9 جەلتوقسانداعى قازاقستان رەسپۋبليكاسىنىڭ جانە رەسەي فەدەراسياسىنىڭ ۇكىمەتتەرى اراسىنداعى قازاقستانعا مۇناي جانە مۇناي ونىمدەرىن جەتكىزۋ سالاسىنداعى ساۋدا-ەكونوميكالىق ىنتىماقتاستىق تۋرالى كەلىسىمگە وزگەرىستەر ەنگىزۋ تۋرالى ۇكىمەتارالىق حاتتاماعا قول قويدى.
ەنگىزىلىپ جاتقان وزگەرىستەر رەسەيدەن قازاقستانعا مۇناي ونىمدەرىن كىرگىزۋ جانە قازاقستان ايماعىنان ەۋرازيالىق ەكونوميكالىق وداقتىڭ كەدەندىك ايماعىنان تىس شىعارۋ ماسەلەلەرىن رەتتەۋدى ۆەدومستۆوارالىق دەڭگەيگە شىعارۋعا مۇمكىندىك بەرەدى (ەكى ەلدىڭ ەنەرگەتيكا ۆەدومستۆولارى)
وسىلايشا، قازاقستان جانار-جاعارمايدىڭ ىشكى نارىعىنداعى بالانسىنا بايلانىستى مۇناي ونىمدەرىنىڭ كەيبىر تۇرلەرىنىڭ ەكسپورتىن جانە يمپورتىن اشۋ/جابۋ بويىنشا شەشىمدەردى جىلدام قابىلداي الادى.
قازىرگى تاڭدا قازاقستاندا اشىق ءتۇستى مۇناي ونىمدەرىن تاسىمالداۋعا تيىم سالىنعان. قول قويىلعان حاتتاما قازاقستانداعى جاڭعىرتىلعان مۇناي وڭدەۋ زاۋىتتارىندا شىعارىلعان اشىق ءتۇستى مۇناي ونىمدەرىن ەكسپورتتاۋعا مۇمكىندىك بەرەدى.
