الماتى قالالىق «نۇر وتان» پارتياسى اۋەزوۆ اۋدانىنداعى ءنومىرى 58، 59 ءۇي تۇرعىندارىنىڭ ارىزىن قابىلداپ، كوگالداندىرۋ جانە اۋلاعا اسفالت توسەۋ ماسەلەسىن شەشىپ بەردى.
زەينەتكەرلەر ءۇش جارىم جىلدان بەرى ارىزىن ارقالاپ، تالاي مەكەمەنىڭ ەسىگىن قاققان. ءۇي اۋلاسىنداعى كولىكتەر تۇرعىنداردىڭ مازاسىن الىپ، جولدا جۇرۋگە كەدەرگى كەلتىرگەن. ال اسفالت توسەلگەلى تۇرعىندار التىنسارين داڭعىلىنا ەمىن-ەركىن شىعىپ جۇرگەندەرىن ايتتى.
قوعامدىق قابىلداۋدا قارالعان ماسەلەنى ءماسليحات دەپۋتات ەربولات قاسىموۆ قولعا الىپ، ءبىر جارىم ايدىڭ كولەمىندە ناتيجە شىعارعان.
«وسى ىقشاماۋداننىڭ تۇرعىندارى ارىز جازعان قوعامدىق قابىلداۋىنا، «نۇر وتان» پارتياسىنىڭ اۋەزوۆ اۋداندىق فيليالىنا وسى كىرە بەرىستى جاساپ بەرسەڭىزدەر دەگەن ءوتىنىش ءتۇستى. ءبىز ءبىر جارىم اي ىشىندە ءوز قاراجاتىمىزدان 2 ميلليون تەڭگەدەي قارجى ءبولىپ، 90 مەتردەي جول جاساپ بەردىك. ەندى وزدەرىڭىز كورىپ تۇرعانداي، تۇرعىنداردىڭ ارىزى بويىنشا ناقتى شەشىم قابىلداپ، وتىنىشتەرىن ورىنداپ بەردىك»، – دەدى الماتى قالالىق ءماسليحاتىنىڭ دەپۋتاتى ەربولات قاسىموۆ.
«ءۇش جارىم جىل وسى جولدى جاساتۋعا كۇش سالدىق. اقىرىندا بيىلعى جىلى قول جەتكىزىپ وتىرمىز. قالا اكىمىنە، اۋەزوۆ اۋدانىنىڭ اكىمدىگىنە جانە وسى ءىستىڭ باسى-قاسىندا ءجۇرىپ، ماسەلەنىڭ شەشىلۋىنە بار كۇشىن جۇمساعان ازاماتتارعا تۇرعىنداردىڭ اتىنان العىس بىلدىرەمىن!»، – دەيدى سۆەتلانا بۋكەيەۆا.
