الماتىنىڭ بوتانيكالىق باعى قايتا جوندەۋدەن ءوتىپ، جاڭا كەيىپكە ەنەتىن بولدى. بىرنەشە اي بويى جۇرتشىلىقپەن تالقىلانعان جوبانىڭ كونسەپسياسىن بۇگىن قالانىڭ قوعامدىق كەڭەس مۇشەلەرى ماقۇلدادى. سوعان سايكەس، ەندى قالالىقتاردىڭ سۇيىكتى دەمالىس ورنى ەرەكشە تۇرلەنەدى. باققا ءۇش جاقتان كىرەتىن جول سالىنىپ، تىنىعۋشىلارعا جايلى جاعداي جاسالادى. جاسىل جەلەككە زيان تيگىزبەيتىندەي جارىق شامدارى ورناتىلىپ، بەينەباقىلاۋ كامەرالارى قويىلادى.
17 گەكتاردان استام اۋماقتى الىپ جاتقان بوتانيكالىق باقتىڭ بولاشاق تاعدىرىنا الاڭداعان جۇرتشىلىق بۇگىن تاعى باس قوستى. بارلىعى قالانىڭ كورنەكتى ورنىن كوركەيتۋدى قولعا الاتىن كاسىپكەرلەر جوباسىن مۇقيات تىڭدادى. جوسپار بويىنشا ب ا ق ءىشى زاماناۋي ادىستەردى پايدالانىپ، قايتا تۇلەمەك. ەندى باققا ءۇش جاقتان كىرەتىن جول سالىنىپ، وندا پاۆيلوندار قويىلادى. پاۆيلون ىشىندە بيلەت كاسسالارى، ءشاي ىشەتىن ورىن مەن دارەتحانا ورناتىلادى. كەلۋشىلەرگە ب ا ق جۇمىسىنان حاباردار ەتەتىن اقپاراتتىق تاقتايشالار دا قاراستىرىلماق.
«بۇعان دەيىن باقتى جاڭارتۋ ماسەلەسى كوپ تالقىلاندى. تۇرعىنداردىڭ كوپشىلىگى ب ا ق جوندەۋدەن وتكەندە كوممەرسيالىق ماقساتتارعا بەرىلىپ، كافە-رەستوراندار سالىنادى دەپ الاڭدادى. اعاشتار كەسىلىپ، جەر تەلىمى جەكەگە وتەدى دەپ سىن ايتتى. ءبىراق ءبىز مۇنىڭ بارلىعىن جوققا شىعارامىز. جاڭا جوبانى جۇرتشىلىقتىڭ تالاپ-تىلەگىن ەسكەرە وتىرىپ دايىندادىق. بۇل جۇمىستار جۇزەگە اسقاندا، باقتىڭ بۇتىندىگى ساقتالىپ، ءبىر دە ءبىر جاسىل جەلەك وتالمايتىن بولادى»، – دەدى ب. وتەمۇراتوۆ قورىنىڭ ديرەكتورى مارات ايتماعامبەتوۆ.
بوتانيكالىق باقتى جاڭارتۋعا بولات وتەمۇراتوۆ قورى مەن «ۆەرنىي كاپيتال» كومپانياسى وكىلدەرى ىقىلاس ءبىلدىرىپ وتىر. ولار جوندەۋ جۇمىستارىنا شامامەن، 15 ميلليون دوللار جۇمساماق. قاراستىرىلعان قارجىعا ءبىرشاما جۇمىس اتقارىلادى. توزىعى جەتكەن جولدار جوندەلىپ، اۋماق جارىقتاندىرىلادى. ءتىپتى، بەينەباقىلاۋ كامەرالارى قويىلادى. ال ابدەن ەسكىرىپ، قيراعان قورشاۋلار تۇگەلدەي اۋىستىرىلادى. اسىرەسە، بۇعان دەيىن سۋارۋ جاعى جەتكىلىكتى قامتاماسىز ەتىلمەگەن جاسىل جەلەكتى تۇراقتى تىرشىلىك نارىمەن جابدىقتاۋ كوزدەلىپ وتىر. ول ءۇشىن ب ا ق ىشىندە توعاندار كوبەيتىلمەك.
«بوتانيكالىق باقتىڭ شىعىس جاعىندا تەرەڭقۇلاق وزەنى اعادى. سول وزەندى باققا قاراي بۇرىپ، سۋ توعاندارىن جاسايمىز. ول توعانداردان باقتىڭ بۇكىل اۋماعى سۋارىلاتىن بولادى. جالپى، ءقازىر باقتا سۋارۋ جۇيەسى جەتكىلىكتى قامتاماسىز ەتىلمەگەن. ينجەنەرلىك جەلىلەر دە توزعان. سوندىقتان ەڭ باستىسى، باقتى تۇراقتى سۋمەن جابدىقتاۋدى كوزدەپ وتىرمىز»، – دەدى «ۆەرنىي كاپيتال» كومپانيالار توبىنىڭ باس ديرەكتورى ەرلان وسپانوۆ.
ب ا ق ىشىندەگى بۇرىنعى توعاندار دا جوندەۋ كورىپ، ارىق جۇيەلەرى جاڭارتىلادى. سۋبۇرقاقتار كوبەيتىلىپ، جاسىل جەلەك سانى دا ارتا تۇسەدى. ال ءار اعاشقا QR-كود ورناتۋ كوزدەلىپ وتىر. تۇرعىندار ۇيالى تەلەفونى ارقىلى سول QR-كودتان وسىمدىك تۋرالى بار ماعلۇمات الادى.
«بوتانيكالىق ب ا ق رەسپۋبليكالىق ماڭىزى بار، ەرەكشە قورعالاتىن تابيعي اۋماق. وسىعان وراي، جەرگىلىكتى ۋاكىلەتتى ورگان قالا قازىناسىنان باقتى ارى قاراي كۇتىپ-باپتاۋعا قارجى ءبولۋىن توقتاتپايدى»، – دەدى الماتى قالاسى اكىمىنىڭ ورىنباسارى سۇلتانبەك ماكەجانوۆ.
قالا تۇرعىندارىنىڭ سۇيىكتى دەمالىس ورنىن جاڭاشا تۇلەتەتىن جوبانى جەرگىلىكتى مامانداردان وزگە، پولشا مەن پورتۋگاليانىڭ لاندشافتىق ساۋلەتشىلەرى ازىرلەگەن. ەسكيزدىك جوبالارعا تۇرعىنداردىڭ تالاپ-تىلەكتەرى قوسىلعان. تىڭ جوبانى بۇگىن قالانىڭ قوعامدىق كەڭەس مۇشەلەرى تۇگەلدەي ماقۇلداپ، باقتى جاڭارتۋعا ءبىراۋىزدان رۇقسات ەتتى. ەندى قور مۇشەلەرى ىسكە كىرىسىپ، 1،5-2 جىلدا بوتانيكالىق باقتى ادام تانىماستاي وزگەرتەتىن بولادى.
