قاراعاندى ەمحانالارىندا سۇمدىق جاعداي بولدى، دەپ حابارلايدى 31 ارنا. بەس جاسار بالانى سۇندەتكە وتىرعىزباقشى بولعان دارىگەر بايقاۋسىزدا جىنىس مۇشەسىنىڭ باسىن قوسا كەسىپ تاستاعان. بالانىڭ اناسى ءوز ىسىنە سالعىرت قاراعان دارىگەرلەردى مەديسينا سالاسىنان الاستاتىلۋىن تالاپ ەتۋدە. اق حالاتتىلاردىڭ كەسىرىنەن ساۋ بالام مۇگەدەك بولىپ قالدى دەپ ايەل شىرىلداپ وتىر. نانا ءوزىن دە، بالاسىن دا كامەراعا تۇسىرمەۋگە ءوتىندى. وتاعاسى جۋىردا يسلام ءدىنىن قابىلداپ، ەكى بالاسىمەن بىرگە ءوزى دە سۇندەتكە وتىرماقشى بولعان. ءبىرىنشى بالاسىنا وتا ءساتتى جاسالعانىمەن، ەكىنشى ۇلىن ەسىكتىڭ سىرتىندا جارتى ساعات كۇتەدى. نانا، اناسى: -جارتى ساعات كۇتتىك. حيرۋرگ ەشتەڭە ايتپادى. جەدەل جاردەم شاقىرىپ باسقا ەمحاناعا الىپ كەتتى. ءتورت ساعات وپەراسيا جاسادى. سودان كەيىن بارىپ ءبىراق بىلدىك، باسىن ءبىراق كەسىپ تاستاپتى. بۇدان كەيىن دە بالاعا بىرنەشە رەت وتا جاسالدى. ءبىراق جاراسى ۇستى-ۇستىنە اسقىنىپ كەتكەن كەرىسىنشە. شەشەسى بولسا، ءوز ىسىنە سالعىرت قاراعان مامانداردىڭ جازالانباعانىنا قاپالى. ويتكەنى ناقتى ايعاقتار بولسا دا، ارنايى قۇرىلعان كوميسسيا راقىمشىلىق زاڭىنا سايكەس، بارلىق ارەكەتىن اقتاپ شىقتى-دەيدى. ال، ەمحانا باسشىلىعى بولسا، كىم قاتەلەسپەيدى، ماماندارىمىزدىڭ بىلىكتىگى جوعارى دەپ وزدەرىنە شاڭ جۋىتار ەمەس. مارگاريتا زاسۋحينا، №4-قاراعاندى قالالىق ەمحانا ديرەكتورىنىڭ ورىنباسارى: -ونىڭ كاسىبي بىلىكتىلىگى جوعارى. تاجىريبەلى حيرۋرگ. تۇسىنىڭىزدەر. دەگەنمەن قاتەلىك بارىندە بولادى عوي. سول قاتەلىكتىڭ كەسىرىنەن بالا مۇگەدەك بولىپ وتىر ەندى. ال، ەمحانا باسشىلىعى كىنالى دارىگەرگە جازا قولداندىق دەيدى. ايتىپ وتىرعان جازالارى ءبىر ايلىق سىياقىدان تايدىرىپتى. جالاقىدان دا ەمەس. دەگەنمەن، اتا-انانى ول ەمەس، بالاسىنىڭ كەلەشەگى الاڭداتادى. نيكولاي سكرىل، حيرۋرگ-ۋرولوگ: شەتەلدە وتا جاساۋعا بولادى. ءبىراق ونىڭ وزىندە بالا وسكەندە، بەدەۋلىككە الىپ كەلۋى مۇمكىن. ويتكەنى اعزا جەتىلگەن كۇننىڭ وزىندە تابيعي جولمەن ۇرىقتانۋعا قابىلەتسىز بولادى. قۇنى 12 مىڭ دوللار تۇراتىن مۇنداي پلاستيكالىق وپەراسيانىڭ ءتۇرى تۇركيادا عانا جاسالاتىن كورىنەدى. وتباسىنىڭ وعان جاعدايى كەلمەيدى. امالى تاۋسىلعان اتا-انا ەندى ەمحانانىڭ ءوزىن سوتقا بەرىپ، ماتەريالدىق جانە مورالدىق وتەماقى تالاپ ەتپەك. ماقسات تولىقباي، ليۋدميلا باتيۋشكينا.

baq.kz