وزگە ەلدى قايدام؟ جۇڭگو ەلىندەگى قازاقتار قالاعان كەزىندە شەتەلگە شىعاتىن ءتولقۇجات الا المايدى. ول ءۇشىن بۇرىندارى ارنايى شاقىرتۋ قاجەت بولعان. ءقازىر «ىشىنە ءتولقۇجاتىنىڭ كوشىرمەسىن سالىپ، ءتيىستى تۋىستارى حات جازسىن» دەگەن جارلىق شىعىپتى. قازاقتىڭ ءبارى تۋىس. ەندەشە قازاققا قازاق قوسۋعا اتسالىسىڭىز اعايىن! حات كۇتىپ جاتقان اعايىندى ءبىز ايتىپ بەرەمىز… ءسىز تەك حات جازىڭىز. ورالماندارعا بايلانىستى وي-پىكىرىڭىزبەن ءبولىسىپ، سايتقا جاريالاۋ ءبىزدىڭ موينىمىزدا. بۇل حاتتار جاي حات ەمەس، تاريحقا تاسپەن جازىلاتىن حات.
دارحان بەيسەنبەك، جازۋشى، «تاعدىر تاقتاسى» اڭگىمەلەر جيناعىنىڭ اۆتورى:
شەكارانىڭ شەكتەگەنى بولماسا...
اسسالاۋماعالەيكۋم، اعا!
شەكارانىڭ شەكتەگەنى بولماسا اۋىلىمىزدىڭ اراسى، قازاقشا ايتساق، ءبىر-اق ادىم. ءبىراق سول ءبىر ادىمدى اتتاۋ بارىمىزگە وڭاي سوقپاي تۇر. ءبىزدىڭ قولدان كەلەتىنى وسىلاي حات جازىپ، حابار الىسۋ. رەتى كەلسە ءتيىستى قۇجاتتارىڭىزدى جاساتىپ، اتامەكەنگە ات باسىن بۇرارسىز!
قۇدايعا شۇكىر! كەلەم دەگەن قازاققا جول اشىق! كوشى-قون ماسەلەسىندە كەيبىر كەلەڭسىز جاعدايلاردى ەستىپ جاتساڭىز، ول ۋاقىتتىق قانا كەدەرگىلەر دەپ ەسەپتەيمىن. قاتارىنىڭ كوبەيگەنىن قاي قازاق جەك كورسىن؟! ناعىز قازاقتاردى ايتىپ وتىرمىن.
باسىڭىزعا ءۇي سالىپ، باۋىرىڭىزعا قازان اسپاساق تا، ەرۋلىگىن الىپ شىعار ەل دايىن. ات-كولىگىڭىز امان تۇرعاندا، تۇلپارىڭىزعا قامشى باسىڭىز اعا!
پىكىر قالدىرۋ