اۋداندىق ءبىلىم ءبولىمى قازان ايىنىڭ بەرەشەگىن «وسى اپتادا جابامىز» دەپ انت-سۋ ءىشىپ وتىر دەپ حابارلايدى Aktobenews.kz ءتىلشىسى.

ق ر ەڭبەك كودەكسىنىڭ 113 بابىنا سايكەس جالاقى كەلەسى ايدىڭ ون كۇندىگىنەن كەشىكتىرىلمەي تولەنۋى ءتيىس. الايدا، اۋداندىق ءبىلىم ءبولىمى بۇل زاڭنامانى بۇزىپ وتىر. سوعان وراي، تەمىر اۋداندىق پروكۋراتۋراسىنىڭ ۇسىنىسىمەن ەڭبەك ينسپەكتورى تەكسەرىس جۇرگىزگەن. ناتيجەسىندە، ءبىلىم ءبولىمىنىڭ مىڭنان اسا مۇعالىمگە جالاقىنى تولەمەي وتىرعاندىعى انىقتالدى.

«تەمىر اۋدانى بويىنشا قىركۇيەك ايىنا 1013 قىزمەتكەرگە جالپى سوماسى 38،8 ملن تەڭگە كولەمىندە جالاقى تولەنبەگەنىن انىقتادىق. بۇل زاڭبۇزۋشىلىقتى جويۋ ماقساتىندا ءبىلىم ءبولىمىنىڭ باسشىسىنا نۇسقاما بەرىلىپ، اكىمشىلىك جاۋاپكەرشىلىككە تارتىلدى. ءقازىر قىركۇيەك ايى بويىنشا بەرەشەك تولىق جابىلدى. تەلەفونمەن حابارلاسقان ۋاقىتتا ءبىلىم ءبولىمىنىڭ اكىمشىلىگى جاۋاپكەرشىلىككە تارتىلدى. ءقازىر قىركۇيەك ايى بويىنشا بەرەشەك تولىق جابىلدى. تەلەفونمەن حابارلاسقان ۋاقىتتا ءبىلىم ءبولىمىنىڭ اكىمشىلىگى قازان ايىنىڭ جالاقىسىن وسى اپتادا تولىق جاباتىندىعىن حابارلاپ وتىر»،-دەيدى اقتوبە وبلىستىق ەڭبەك ينسپەكسياسى جونىندەگى باسقارماسىنىڭ اقپاراتتىق-تالدامالىق قامسىزداندىرۋ ءبولىمىنىڭ باسشىسى نۇرلان ەرەكەيەۆ.

ەسكە سالا كەتەيىك، وسىدان ءبىر اي بۇرىن تەمىرلىكتەر الەۋمەتتىك جەلىدە جالاقىسىز وتىرعانىن بايانداپ، جانايقايىن جەتكىزگەن ەدى. ءبىر اي وتكەن سوڭ قازان ايىنىڭ جالاقىسىن الماعان مۇعالىمدەر قايتادان الەۋمەتتىك جەلىگە شاعىمدارىن جازدى.